კინოინდუსტრია მე-20 საუკუნის დასაწყისიდან საკმაოდ მომგებიანი ბიზნესი გახდა. მხოლოდ შტატებში 10 000-ზე მეტი კინოსტუდიაა დარეგისტრირებული, რომლებიც ყოველწლიურად ათასობით A, B, C და D კატეგორიის ფილმებს აწარმოებს. ხსენებული ფილმების 80% შესახებ არც კი გექნებათ გაგონილი, რადგან ისინი მხოლოდ ამერიკის ბაზრისთვის იქმნება და მხოლოდ ფიზიკურ მატარებლებზე გამოდის, თუმცა ასევე გეცნოდინებათ იმ გიგანტების შესახებ, რომელთა დასახელება, ლოგო თუ შესავალი მუსიკა ყოველი ფილმის პირველ წამებში გვხვდება. დიახ საუბარია ჰოლივუდის დიდი შვიდეულზე, „Paramount Pictures“, „Universal Studios“, „Warner. Bros Pictures“, „Disney“, „20th Century Fox“ (უკვე დისნეის შემადგენლობაში), „Metro-Goldwyn-Mayer“ და “Columbia Picture“, რომლებიც ამერიკული კინოინდუსტრიის ჩამოყალიბების სათავეში იდგნენ და დღემდე არსებობენ. დღეის მდგომარეობით ზემოაღნიშნული კომპანიები იღებენ და აწარმოებენ „A “კატეგორიის ფილმების 90%, რომელსაც ყოველი ჩვენთაგან ყოველდღიურად უყურებს. ხსენებული კინოსტუდიების დასახელება, ლოგო და მუსიკა ყოველმა ჩვენთაგანმა თითქმის ზეპირად იცის და ძილშიც კი, მხოლოდ შესავალი მუსიკის მოსმენითაც შეუძლია თქვას რომელი სტუდიის ანიმაცია იყო ჩართული. მიუხედავად მსგავსი წარმატებებისა და საუკუნოვანი ისტორიისა, ზოგიერთი კინოსტუდია ჩიხში შედის და ამა თუ იმ მიზეზით ჯერ საკუთარი ქონების ნაწილს, ხოლო შემდგომ სრულად სტუდიას ყიდის.
უკანასკნელი რამოდენიმე ათწლეულის მანძილზე ჩვენ უკვე არაერთი მსხვილბიუჯეტიანი შესყიდვის შესახებ შევიტყვეთ ინფორმაცია, მაგალითად როდესაც დისნეიმ ჯერ შეიძინა ლუკას ფილმი, შემდგომ პიქსარი, მარველი და სულ რამოდენიმე წლის წინ ჰოლივუდის დიდი შვიდეული წარმომადგენლის, „20th Century Fox“-ის შესყიდვაც დაასრულა.
ახლა კი ცნობილი ხდება, რომ ჯეფ ბეზოსის კომპანიამ Amazon-მა ჰოლივუდის დიდი შვიდეულის მორიგი წევრის შესყიდვა მოახდინა და მიმდინარე ეტაპზე გარიგების ციფრი, რომელიც სახელდება საკმაოდ სოლიდურია. ამაზონმა 8.5$ მილიარდად შეიძინა „Metro-Goldwyn-Mayer“ (MGM), რომელიც ფლობს 4 000-მდე ფილმსა და 1 700-მდე ტელეშოუს, ასევე სტუდიას გააჩნია 180-მდე ოსკარისა და 100-მდე ემის ჯილდო. შესყიდვა, რომელიც სახელგანთქმულმა ამერიკულმა კომპანიამ სულ ახლახანს დაასრულა, მისცემს მას საშუალებას დღევანდელ კინოინდუსტრიაში ერთ-ერთი მოწინავე და პროგრესული პოზიცია დაიკავოს, მითუეთეს თუ გავითვალისწინებთ იმ ფაქტს, რომ ამაზონი ხანგრძლივი პერიოდის განმავლობაში ისედაც ახერხებდა შესანიშნავი ფილმებისა და ტელესერიალების გადაღებას, MGM-ის შესყიდვა, რა თქმა უნდა მას მხოლოდ და მხოლოდ გააძლიერებს.
უახლოეს მომავალში რასაც უნდა ველოდეთ ამაზონისაგან არის ის, რომ მისი აწი შვილობილი კომპანიის მფლობელობაში არსებული აბსოლუტურად ყველა პროდუქტი, მათ შორის James Bond, Rocky, Robocop, Stargate, Tomb Raider, The Pink Panther, Legally Blonde, Poltergeist, Fargo, The Handmaid’s Tale, და Vikings Amazon Prime/Video-ს განუყოფელი ნაწილი გახდება, (პროექტები, რომელსაც MGM მფლობს), ხოლო სხვა პლათფორმებიდან დიდი ალბათობით გაქრება. თუ გავითვალისწინებთ, რა მასშტაბის გეგმები გააჩნია ამაზონს კინოინდუსტრიაში (თუნდაც LOTR-ის სერიალი) მარტივი მისახვედრია თუ რა მიზეზით შეიძინა მან მსგავსი ზომის კინოსტუდია, რადგან ერთადერთი, რაც MGM-ს დღეს არ აკლია, ხოლო თავად ამაზონი გაზიარებაზე უარს არ იტყოდა, რა თქმა უნდა გამოცდილებაა.
