ალესილი კეპების (Peaky Blinders) VI სეზონის თრეილერი

ალესილი კეპები, რომელიც ბირმინგემის სახიფათოდ ამბიციური ბანდის ამბავს მოგვითხრობს, ბოლო დროის ერთ-ერთი ყველაზე პოპულარული ტელეშოუა. წარმატებებისა და დაცემის ისტორია, რომელიც პირველ მსოფლიო ომამდელ ინგლისში ვითარდება და გვთავაზობს განგსტერულ საგას ადგილობრივი კრიმინალური დაჯგუფების შესახებ, რომლებიც სამართებლის პირებს კეპებში ამაგრებდნენ, ხოლო მათი ლიდერი ტომას შელბი, წარმატებისკენ მიმავალი, მიზანდასახული და მრისხანე ადამიანია, რომელიც საკუთარ კეთილდღეობას თავად ქმნის. ოჯახი, შინაგანი სიმტკიცე და მოხერხებულობა ტომას შელბის წარმატების გზისკენ მიმავალი თანამგზავრები არიან. წარუმატებლობის დროსაც კი, იგი ახერხებს ჯერ წამოდგომას, ხოლო შემდგომ გაცილებით მტკიცედ დადგომას.

მიმდინარე ეტაპზე შოუ მეხუთე სეზონზეა გაჩერებული, რომელიც 2019 წელს cliffhanger-ით დასრულდა. VI სეზონი მალევე უნდა გამოსულიყო, თუმცა მსოფლიოში მიმდინარე მოვლენებმა სერიალის გამოსვლას საკმაოდ შეუშალა ხელი, თუმცა საბოლოოდ ალესილი კეპების ისტორია აუცილებლად მიუახლოვდება საკუთარ ლოგიკურ დასასრულს, რომლის დასასრულის დასაწყის, სულ ახლახანს გამოსული, VI სეზონის თრეილერი შემოგვთავაზებს:

უყურე Peaky Blinders-ის თრეილერს

თრეილერს ტომ შელბი ხსნის, რომელიც ღამით მინდორში ტომიგანით (ტომსონის ავტომატი) დგას და შეშლილივით ისვრის. ხანმოკლე ვიდეო, ასევე ტომით და მისი სიტყვებით სრულდება: – „ერთი ბოლო გარიგებაც და ჩვენ, ალესილ კეპებს დავისვენების საშუალება მოგვეცემა“. მიუხედავად იმისა, რომ თრეილერის დანარჩენილი ქრონომეტრაჟი ზოგიერთი მთავარი პერსონაჟების ახლო თუ შორ კადრებს, ნაცისტურ დროშებსა და ხმოვან ჩანართებს გვთავაზობს, ის ძალიან მწირე ინფორმაციას გვაწვდის იმის შესახებ, თუ როგორ შეიძლება განვითარდება მოვლენები დაგეგმილ სეზონში. ჩვენ კი დიდ იმედს ვიტოვებთ, რომ ჩვენი საყვარელი და ფავორიტი პერსონაჟები ცოცხლები დარჩებიან, თუმცა იმ ქარცეცხლის გათვალისწინებით, რომელიც წინ გველის ამის ალბათობა რა თქმა უნდა საკმაოდ მცირეა.

მიუხედავად იმისა, რომ მეექვსე სეზონის პრემიერის თარიღი დღემდე უცნობი რჩება, ვარაუდობენ, რომ შოუ 2022 წლის პირველ თვეებში განახლდება, რაც რა თმქა უნდა სასიხარულო ამბავია, თუმცა დღევანდელ „შეშლილ სამყაროში“ ცვლილებები და გადატანები ისედაც ღია თარიღზე სრულიად ჩვეულებრივი ამბავია, ამიტომაც დიდი იმედების დამყარება სერიალის ფინალური ეპიზოდების მალევე ნახვაზე არ ღირს!