დისნეის მორიგ ლაივ-ექშენ ფილმს, “ალადინს“, სამსახიობო გუნდის წარმომადგენლები ტუნისიდან, ეგვიპტიდან, ინდოეთიდან და ირანიდან ჰყავს. უნდა ვიცოდეთ, რომ ეს არ არის პირველი შემთხვევა, როდესაც არაბული წარმომავლობის მსახიობს ჰოლივუდში იწვევენ და თანაც პოპულარულ ფილმში.
პირველი ლიბანელი მსახიობი, რომელიც აქტიურად იყო დასაქმებული, ფრენკ ლაკტინი (Frank Lackteen) იყო, რომელმაც მოღვაწეობა მე-20 საუკუნის ათიან წლებში დაიწყო. ორასამდე ფილმში ის ძირითადად ვილანის როლს ასრულებდა.
ფოლკლორი ალადინზე აღმოსავლეთის ქვეყნებში საკმაოდ გავრცელებულია, ამიტომ სრულიად სამართლიანია, რომ მის პერსონაჟებზე მსახიობებს სწორედ ამ რეგიონიდან არჩევენ. დისნეის “ალადინი” პირველი ფილმია, სადაც თავს იყრის არაბული წარმომავლობის ამდენი მსახიობი: მენა მასოუდი, მარვან კენზარი, ნავიდ ნეგაბანი, ნასიმ პედრადი და სხვები. თუმცა ფილმს მაინც შეხვდა კრიტიკა, როდესაც ჟასმინის როლზე ბრიტანელი ნაომი სკოტი დაამტკიცეს (ის დედის მხრიდან უგანდელია).
ამ სტატიაში იმ მსახიობებზე მოგიყვებით, რომელთაც აღმოსავლური სისხლი ურევიათ და რის შესახებაც, შესაძლოა არ გსმენიათ.
ვინს ვონი – ლიბანი
ვონის მამის დედა ლიბანელი იყო.
ტერი ჰეტჩერი – სირია
სასოწარკვეთილი დიასახლისების ვარსკვლავი ნახევრად უელსელი, ნახევრად სირიელია.
ზო სალდანა – ლიბანი
სალდანას მშობლები დომენიკიდან და პუერტო რიკოდან არიან, თუმცა მსახიობმა ერთ-ერთ ინტერვიუში განაცხადა, რომ მისი ფესვები ლიბანსაც უკავშირდება.
ვენტვორტ მილერი – სირია და ლიბანი
მილერის დედა სირიული და ლიბანური წარმომავლობისაა.
სელმა ჰაიეკი – ლიბანი
ჰაიეკი მექსიკაში დაიბადა, თუმცა მისი პაპა მამის მხრიდან ლიბანელი იყო.
შანონ ელიზაბეთი – ლიბანი და სირია
ამერიკული ნამცხვრის ვარსკვლავის მამა ლიბანური და სირიული წარმომავლობისაა.
იასმინ ბლითი – ალჟირი
მაშველების მსახიობის დედა ალჟირელია.
ტონი შალჰოუბი – ლიბანი
შალჰოუბის მშობლები ლიბანელები არიან.
რამი მალეკი – ეგვიპტე
მისტერ რობოტის ვარსკვლავს ეგვიპტელი მშობლები ჰყავს.
stars.topix.com
