კინოკრიტიკოსების თქმით, კანის რიგით 71-ე კინოფესტივალის მთავარი საკონკურსო სექცია ყველაზე ძლიერი აღმოჩნდა ბოლო 30 წლის განმავლობაში, შესაბამისად, ქეით ბლანშეტის ჟიურს რთული გადაწვეტილების მიღება მოუწევს.
დღეს ბოლო დღეა, როდესაც საკონკურსო ფილმს უჩვენებენ. ეს ნური ბილგე ჯეილანის “ველური მსხლის ხეა“, ხვალ საღამოს კი უკვე ცნობილი გახდება გამარჯვებულების ვინაობა. სხვადასხვა კრიტიკოსების შეფასებით ყველაზე დიდი ქულა, 3,8 დაიმსახურა და ლიდერ პოზიციას ინარჩუნებს სამხრეთ კორეელი რეჟისორის, ჩენგ-დონგ ლის ფილმი “წვა“. ქულებით მეორე ადგილზეა იაპონელი ჰიროკაძუ კორეედას “მაღაზიის მძარცველები” (3,2 ქულა), ხოლო მესამე ადგილზეა ჟან-ლუკ გოდარის “სურათის ყუთი” 3 ქულით.
დღეს გახდა ცნობილი, რომ ასევე დიდი შეფასებები დაიმსახურა ლიბანელი ქალი რეჟისორის, ნადინ ლაბაკის ფილმმა “კაპერნაუმი“. მას უკვე მოიაზრებენ ოქროს პალმის რტოს მთავარ პრეტენდენტად.
საქართველოს და ბელგიის კოპროდუქციას “მზის გოგონებს” სიაში ყველაზე დაბალი რეიტინგი, 1 ქულა აქვს.
ქართველმა კინოკრიტიკოსმა, გოგი გვახარამ, რომელიც აქტიურად აშუქებს ფესტივალს, ფეისბუქზე ისიც აღნიშნა, რომ ფესტივალის დირექციას თავის მართლება უხდება, იმდენად სამარცხვინოა ფრანგული პროგრამა.
