ოქროს გლობუსის დაჯილდოებამდე რამდენიმე კვირით ადრე, ჩვენთვის ცნობილი გახდა, რომ ჰოლივუდის მსახიობმა ქალებმა გადაწყვიტეს წითელ ხალიჩაზე შავი სამოსით მივიდნენ. 2017 წელი ჰოლივუდისთვის საკმაოდ მძიმე აღმოჩნდა, განსაკუთრებით კი იმიტომ, რომ სალაპარაკო და გასარჩევი თემა არაფერი ყოფილა, თუ არა სექსუალური შევიწროვება, სექსიზმი და ჩაგვრა. 2017 წელი გამბედაობის წელიც აღმოჩნდა და ბევრმა ქალმა მსახიობმა ხმა ამოიღო, ილაპარაკა მათთვის ყველაზე მძიმე და სტრესულ დღეებზე და ისიც კი მოახერხეს, რომ დამნაშავისკენ პირდაპირ გაეშვირათ ხელი.
სწორედ ამ თემასთან დაკავშირებით, ქალები წელს წითელ ხალიჩას შავად აფერადებენ. ჰოლივუდელ ქალბატონებს მამაკაცი მსახიობებიც შეუერთდა და წლევანდელი ოქროს გლობუსის წითელი ხალიჩა ერთადერთი ფერით – შავად იყო გადაჭედილი
ჟურნალისტების მთავარი კითხვა კი იყო არა ის, თუ ვისი დიზაინის სამოსი ეცვათ მსახიობებს, არამედ თუ რატომ გადაწყვიტეს მათ, ჩაეცვათ შავი ფერის კაბა/კოსტიუმი. პასუხი კი, როგორც ხვდებით, ყველას ერთი და იგივე ჰქონდა – ამით ისინი მხარდაჭერას უცხადებდნენ იმ ადამიანებს, რომლებიც ერთხელ მაინც ყოფილან სექსუალური შევიწროვების მსხვერპლნი
გთავაზობთ ფოტოებს:
