კინომოყვარულები განსაკუთრებულად ელიან “ოქროს გლობუსის” ცერემონიას, თუმცა ამის მიზეზი მხოლოდ ჩვენი ფავორიტი ფილმები და სერიალები სულაც არ არის… ყოველწლიურად, მილიონობით მაყურებელი ინტერესით ადევნებს თვალს ვარკვლავების ჩაცმულობას წითელ ხალიჩაზე.
რიგით 76-ე დაჯილდოებამდე სულ რაღაც 2 დღეა დარჩენილი. მანამდე, გთავაზობთ, თვალი გადავავლოთ საუკეთესო კაბებს ოქროს გლობუსის ისტორიაში:
1. ანჯელინა ჯოლი
მშვენიერი მსახიობი 1999 წელს დაჯილდოებაზე ვერსაჩეს ვერცხლისფერ კაბაში იწონებდა თავს.
2. კლაუდია შიფერი
გერმანელმა სუპერმოდელმა 2000 წელს საკუთარი ჩაცმულობა ხალიჩის ფერს შეუხამა და წითელი კაბით გაიბრწყინა.
3. სარა ჯესიკა პარკერი
სერიალის “სექსი დიდ ქალაქში” ვარსკვლავი 2000 წელს აუდიტორიის წინაშე რიჩარდ ტაილერის კაბით წარსდგა .
4. ქეით ჰადსონი
ქერათმიანი ლამაზმანის ოქროსფერ ტონალობაში გადაწყვეტილმა კაბამ, რომელიც ვერსაჩეს ეკუთვნის, 2002 წელს ნამდვილი ფურორი მოახდინა.
5. ნიკოლ კიდმანი
ავსტრალიელმა მსახიობმა 2003 წელს უპირატესობა ივ სენ ლორანის კაბას მიანიჭა.
6. შარლიზ თერონი
დიორის სახემ საყვარელ ბრენდს არ უღალატა და 2004 წლის დაჯილდოებაზე სწორედ მისი კაბა მოირგო.
7. ჯენიფერ ენისტონი
მეგობრების ვარსკვლავი 2004 წელს წითელ ხალიჩაზე ვალენტინოს შავი კაბით იწონებდა თავს.
8. კვლავ ნიკოლ კიდმანი
2005 წელს მსახიობმა არჩევანი გუჩის კაბაზე შეაჩერა.
9. კირა ნაითლი
2006 წელს კარიბის ზღვის მეკობრეების ვარსკვლავი წითელ ხალიჩაზე ვალენტინოს თეთრი კაბით გამოჩნდა.
10. ბიონსე
2007 წლის ცერემონიაზე მომღერალმა ელი სააბის ოქროსფერი კაბა განსაკუთრებულად მოიხდინა.
11. ანა პაქვინი
ოქროსფერზე შეაჩერა არჩევანი მსახიობმაც, რომელიც 2010 წლის დაჯილდოებაზე ალექსანდრ მაკქვინის კაბაში გამოწყობილი პოზირებდა.
12. ენ ჰეთევეი
2011 წელს პრინცესას დღიურების ვარსკვლავი არმანის ბრჭყვიალა, ვარდისფერ კაბაში მართლაც თვალისმომჭრელად გამოიყურებოდა.
13. ისევ ანჯელინა ჯოლი
2011 წელს მსახიობმა არჩევანი კვლავ ვერსაჩეზე შეაჩერა და არც შემცდარა…
14. ემა უოთსონი
2014 წელს ჰარი პოტერის ვარსკვლავმა დიორის საშუალებით ახალგაზრდული და კლასიკური სტილი ერთმანეთს იდეალურად შეუხამა.
15. ბლეიკ ლაივლი
მომხიბვლელი მსახიობი 2017 წლის დაჯილდოებაზე ვერსაჩეს შავ, შლეიფიან კაბაში მართლაც ბრწყინვალედ გამოიყურებოდა.
