შეიძლება ითქვას, რომ ემა სტოუნი და მარინა დე ტავირა კონკურენტები არიან – ორივე მათგანი ნომინირებულია საუკეთესო მეორეხარისხოვანი როლის შემსრულებელი მსახიობი ქალის კატეგორიაში. თუმცა, როგორც ჩანს, ემას ეს ფაქტი ხელს სულაც არ უშლის იმაში, რომ კოლეგის მიმართ საკუთარი თბილი გრძნობები გამოხატოს:
მარინა, გილოცავ! ჩემთვის დიდი პატივია, რომ მე და შენ ერთ კატეგორიაში ვართ ნომინირებულნი. საუკეთესო საღამოს გისურვებ. გკოცნი!
სტოუნის მიმართვა რომას მსახიობს პასუხის გარეშე არ დაუტოვებია:
დილა მშვიდობისა! დღის უმშვენიერესი დასაწყისია და ეს ყოველივე სწორედ ჩემთვის არის უდიდესი პატივი!
შეგახსენებთ, რომ ფავორიტი და რომა ერთმანეთს არაერთ ნომინაციაში – მათ შორის, საუკეთესო ფილმისა და რეჟისორის კატეგორიაშიც გადაეკვეთა.