ბრიტანული კინოაკადემიის დაჯილდოება ყოველწლიური კინომოვლენაა, რომელიც ბრიტანეთის ფილმისა და სატელევიზიო ხელოვნების აკადემიის (British Academy of Film and Television Arts (BAFTA)) ინიციატივით იმართება. ის თავისი მნიშვნელობით არ ჩამოუვარდება ოსკარების დაჯილდოებას და მეტიც, BAFTA-ს ამერიკული ოსკარის ბრიტანულ შემცვლელსაც კი უწოდებენ. ბრიტანეთის კინოაკადემია საკუთარ ფავორიტებს ჯერ კიდევ 1950-იანი წლებიდან ირჩევს. BAFTA-ს ცერემონიალი, ტრადიციულად, აპრილში ან მაისში, ოსკარების დაჯილდოების შემდეგ იმართებოდა, თუმცა 2002 წლიდან დაჯილდოება თებერვალში გადმოიტანეს, ამგვარად, ის ოსკარის ერთგვარ “გენერალურ რეპეტიციადაც” იქცა. ყოველწლიური დაჯილდოება დღესდღეობით ლონდონის გარდა ლოს-ანჯელესშიც ტარდება ხოლმე, ჯილდო კი სატელევიზიო, ანიმაციურ, მხატვრულ ფილმებსა და ვიდეოთამაშებს გადაეცემა.
BAFTA-ს წლევანდელი, რიგით 72-ე დაჯილდოება 10 თებერვალს გაიმართება. მანამდე კი გადავხედოთ საინტერესო ფაქტებს ამ მნიშვნელოვანი კინომოვლენის შესახებ.
1. ბრიტანული აკადემიის მიერ ფილმების დაჯილდოების პირველი ცერემონია 1949 წელს გაიმართა.
მასზე დაჯილდოვდნენ ფილმები: ჩვენი ცხოვრების საუკეთესო წლები, ზედმეტი მოთამაშე გადის (Odd Man Out) და მსოფლიო მდიდარია (The World Is Rich).
2. ჯუდი დენჩი ერთადერთი მსახიობია, რომელსაც BAFTA მიუღია 1960-ებში, 80-იანებში, 90-იანებში, 2000-იანებში და 2010-იანებში (ჩემი ერთი კვირა მერლინთან)
3. გამოჩენილ ბრიტანელ მსახიობს, კენეტ ბრანას პირველი ნომინაცია BAFTA-ზე საუკეთესო მეორეხარისხოვანი როლისთვის ერგო (ფილმისთვის – ჩემი ერთი კვირა მერლინთან)
5. კრისტოფერ პლამერმაც მხოლოდ 2012 წელს, 84 წლის ასაკში დაიმსახურა პირველი BAFTA.
მსახიობმა ჯილდო ფილმში დამწყებები შესრულებული მეორეხარისხოვანი როლისთვის დაიმსახურა.
6. ამერიკელი მემონტაჟე ტელმა შონმეიკერი 80-იანი წლებიდან დღემდე, ყოველ დეკადაში იყო BAFTA-ს ნომინანტი
1991 წლის შემდეგ მას არ გაუმარჯვია.
7. BAFTA-ს მთავარი ჯილდო – თეატრალური ნიღაბი – ამერიკელი სკულპტორის, მიტზი კანლიფის მიერაა შექმნილი და 3.7 კგ-ს იწონის.
8. ბრიტანელ მსახიობ მეგი სმიტს საუკეთესო მსახიობი ქალის ნომინაციაში ყველაზე მეტი BAFTA აქვს მოგებული.
მსახიობმა ჯილდო შემდეგ ფილმებში შესრულებული მთავარი როლებისთვის დაიმსახურა: მის ჯინ ბროდის გაფურჩქვნა (1969), კერძო ღონისძიება (1984), ოთახი ხედით (1986) და ჯუდით ჰირნის მარტოხელა გრძნობა (1988).
9. დაჯილდოების რეკორდსმენი ვუდი ალენია. იგი BAFTA-ზე 24-ჯერ იყო ნომინირებული და სხვადასხვა კატეგორიაში 10 ჯილდოს მფლობელია.
გარდა ამისა, ის 1997 წელს ბრიტანეთის კინოაკადემიის წევრიც გახდა.
10. ბრიტანეთის ვარსკვლავს, წამყვანსა და კომიკოს სტივენ ფრაის ჯერჯერობით არცერთხელ მოუგია BAFTA.
სტივენ ფრაი 2001 წლიდან მოყოლებული 12-ჯერ ყოფილა BAFTA-ს დაჯილდოების წამყვანი.
11. BAFTA-ს ყველაზე ახალგაზრდა გამარჯვებულია სალვატორე კასციო, რომელმაც ჯილდო 1991 წელს დაიმსახურა მთავარი როლისთვის ფილმში ახალი კინოთეატრი პარადისო.
12. ზედიზედ ექვსი წელია, საუკეთესო რეჟისორის ნომინაციაზე არცერთი ქალი რეჟისორი არ ყოფილა წარდგენილი.
ამ კატეგორიას ჯერჯერობით უკანასკნელი ქალი ნომინანტი 2013 წელს ჰყავდა. ეს გახლდათ კეტრინ ბიგელოუ ფილმისთვის მიზანი ნომერი ერთი.
