ქვემოთ ჩამოთვლილი სერიალების მთავარი გმირები სხვადასხვა მენტალური დაავადებით იტანჯებიან, სოციოფობიიდან დაწყებული, შიზოფრენიით დამთავრებული. ზოგჯერ მათი მოტივები გაუგებარია, თუმცა, მაყურებლის უმეტესობას ისინი უყვარს. უყვარს იმიტომ, რომ უნიკალურები არიან.
ევას მკვლელობისას
მას ექსცენტრულად აცვია, საუბრობს რამდენიმე ენაზე, იცვლის აქცენტს და სხვადასხვა მეთოდით კლავს ადამიანებს. ის ფსიქოპათი სერიული მკვლელია, რომელიც ჭვიანი და თავისებური დეტექტივის – ევას სამიზნე ხდება…
ნამდვილი დეტექტივი
პირველი სეზონის მთავარ გმირს – დეტექტივ რასტ კოულის დეპრესიის ყველა ნიშანი აქვს: მელანქოლია, პესიმისტური განწყობა, ალკოჰოლზე დამოკიდებულება, სექსისადმი ინდიფერენტულობა. ასევე, ის წლების განმავლობაში ვერ ახერხებს გაუხსნელი საქმისგან გათავისუფლებას. თუმცა, სწორედ ამის წყალობით ხდება შესაძლებელი საზარელი საიდუმლოს ამოხსნა.
ლედი დინამიტი
სერიალის მთავარი გმირი ბიპოლარული აშლილობით იტანჯება, თუმცა ცდილობს, საკუთარი თავი ისეთი მიიღოს, როგორიც არის და ქმნის პროექტს – ლედი დინამიტი. ის იუმორისტულ, კომიკურ გზას ირჩევს საკუთარი სერიოზული პრობლემების დასაძლევად.
ექიმი ჰაუსი
მარტოსული, ექსცენტრული, გენიოსი და სოციოპათი ექიმი ჰაუსი ყველაზე რთულ და გაურკვეველ შემთხვევებშიც კი ახერხებს დიაგნოზის დასმას. მისი ცინიკურობისა და ახირებულობის მიუხედავად, ჰაუსი ყველას გვიყვარს, რაც დიდწილად ჰიუ ლორის დამსახურებაა.
ჰანიბალი
ერთ-ერთი ყველაზე ცნობილი და წარმატებული ფსიქიატრი სინამდვილეში ფსიქოპათი სერიული მკვლელი და კანიბალია. საქმის გამოძიებისას დასახმარებლად სწორედ მას მიმართავენ და ისიც ტრადიციულად, შენიღბულად მოქმედებს. თუმცა, უჩვეულო ნიჭით დაჯილდოებულ უილ გრეჰემს ეჭვები უჩნდება…
მისტერ რობოტი
ელიოტი სოციოფობიით იტანჯება. ის ჰაკერია, მუშაობს კომპიუტერული დაცვის სააგენტოში და თითქმის არავისთან კონტაქტობს. მერე კი კიბერ-ტერორისტების მიწისქვეშა ორგანიზაციას უდგება სათავეში, სახელით მისტერ რობოტი.
უილფრედი
სუიციდის მცდელობის შემდეგ რაიანი მეგობარი გოგოს სახლში გადადის. გოგოს ჰყავს ძაღლი, სახელად უილფრედი, რომელიც რაიანს დიდად არ მოსწონს. არც უილფრედს მოსწონს რაიანი და ამას პირდაპირ – სიტყვებით გამოხატავს…
მძიმე დანაშაული
როდესაც გაიგებს, რომ კიბო აქვს, ქიმიის მასწავლებელი რადიკალურად ცვლის საკუთარ ცხოვრებას და მეტამფეტამინის გაკეთებას იწყებს. მიუხედავად იმისა, რომ ადამიანებთან ჩვეულებრივ ამყარებს კომუნიკაციას, ვოლტერ ვაითი ნამდვილი სოციოპათია, რომელსაც გარშემო ყველაფერი სძულს.
სამშობლო
სერიალის მთავარ გმირს, CIA-ს აგენტ კერი მეთისონს ბიპოლარული აშლილობა აქვს. სიმშვიდის პერიოდებში ის ჩვეულებრივად აზროვნებს, მუშაობს და ბრწყინვალედ ასრულებს თავის საქმეს. მაგრამ რეციდივისას ყველაფერი თავდაყირა დგება და მასთან ურთიერთობა, ფაქტობრივად, შეუძლებელი ხდება.
მანიაკი
ოუენი – ნიუ-იორკელი მამაკაცია მდიდარი ოჯახიდან, რომელსაც შიზოფრენია აქვს. ენი კი უმუშევარი გოგოა, რომელიც ძნელად საშოვნელ აბებზე ზის. ისინი დიდ რისკზე მიდიან: თანხმდებიან ახალი წამლის ექსპერიმენტში მონაწილეობას, იმ იმედით, რომ წამალი იმოქმედებს და ბოლოს და ბოლოს, ყველა პრობლემას გადაჭრიან.
