ყველას გვაქვს საყვარელი სერიალი, რომლის სეზონიც მთავრდება და აღარ ვიცით, როგორ მოვიქცეთ. რასაკვირველია, საუკეთესო სერიალების არჩევანი დიდია, მაგრამ რას იტყვით, მათი შერჩევის ორიგინალური მეთოდი რომ შემოგთავაზოთ? — სერიალები თქვენი ზოდიაქოს მიხედვით.

შერჩევის კრიტერიუმი, სერიალის სიახლისა და სეზონების სიმრავლის გარდა გახდა მახასიათებლები, რომლებიც შესაბამისი ზოდიაქოს ნიშნის კინომოყვარულს მოხიბლავს.

ვერძი (21 მარტი – 20 აპრილი)

ბანქოს სახლი

ბანქოს სახლი, 5 სეზონი. ძალაუფლება, ამბიციები, შურისძიება: ამ შოუს ყველაფერი აქვს, რაც ზოდიაქოს თავში მდგარ ლიდერობის მოყვარულ და შეუპოვარ ნიშანს მოხიბლავს.

კურო (21 აპრილი – 20 მაისი)

დიდი ბრიტანული ცხობის შოუ

3 სეზონი და დიდი ცხობა გურმანი ნიშნებისთვის. რჩევა: ყურების დაწყებამდე მოიმარაგეთ სასუსნავები.

ტყუპები (21 მაისი – 20 ივნისი)

პორტლანდია

7 სეზონი. ამ კომედიური სკეტჩებისგან შემდგარი შოუს გმირები – ფრედ არმისენი და კერი ბრაუნშტეინი ტყუპების მრავალფეროვან და მრავალსახოვან ხასიათში ზუსტად ჯდებიან.

კირჩხიბი (21 ივნისი – 22 ივლისი)

მშობლები

6 სეზონი. სერიალი მშობლები ოჯახურ ურთიერთობებზეა. ოჯახის დამფასებელი კირჩხიბები შეიყვარებენ ამ გულთბილ და სხვადასხვა თაობის ცხოვრების ამსახველ დრამას.

ლომი (23 ივლისი – 22 აგვისტო)

შეშლილი, ყოფილი შეყვარებული

2 სეზონი. მუსიკალური ფილმი ბროდვეის ვარსკვლავების მონაწილეობით მოხიბლავს ლომის ნიშნით დაბადებულებს. შეიძლება სათაურს სკეპტიკურად შეხედოთ, მაგრამ ამ სუპერ სასაცილო შოუს თქვენს თვალში წონას შემატებს ის ფაქტი, რომ 2016 წელს ემის 5 ნომინაციაზე იყო წარდგენილი.

ქალწული (23 აგვისტო – 22 სექტემბერი)

Frasier

11 სეზონი. დაბრუნდით უკან, 90-იანებში და გაიცანით დოქტორი ფრეიზერ კრეინი – ფსიქიატრი და საკუთარი რადიო თოქშოუს წამყვანი, საიდანაც ხალხს აძლევს რჩევებს, რომელთაც თავად არასდროს მისდევს.

სასწორი (23 სექტემბერი – 22 ოქტომბერი)

მტკიცე კიმი შმიტი

3 სეზონი. ამ შოუს ამერიკის ეროვნულ საგანძურს ეძახიან, ასე რომ შემოქმედებით სასწორებს არ უნდა გამორჩეთ. ფერადი გოგონას ისტორია თქვენთვისაა ზედგამოჭრილი.

მორიელი (23 ოქტომბერი – 21 ნოემბერი)

ლუთერი

4 სეზონი. ბრიტანული მკვლელობის ისტორია მართლაც შესანიშნავია, მაგრამ ყველაზე დიდებული ამ სერიალში მაინც იდრის ელბაა.

მშვილდოსანი (22 ნოემბერი – 21 დეკემბერი)

შეფმზარეულის მაგიდა

3 სეზონი. ეს არის მოგზაურობა მსოფლიოს გარშემო და ყოველ ეპიზოდში ახალი ისტორია მსოფლიოს სხვადასხვა ქვეყნის შეფმზარეულებისგან.

თხის რქა (22 დეკემბერი – 19 იანვარი)

შერლოკი

4 სეზონი. თხის რქებს მოხიბლავს თავად თხის რქა შერლოკის გენიალური პერსონაჟი და თანამედროვეობაზე ჭკვიანურად მორგებული ძველი ისტორია.

მერწყული (20 იანვარი – 18 თებერვალი)

რთული ხალხი

Netflix-ის ეს შოუ (3 სეზონი) იმდენად უჩვეულოა, რომ ნეტფლიქსზეც კი არ გადის, არამედ Hulu-ზე. და რაც მთავარია, რთული ხალხი ჰქვია. ზედგამოჭრილია ისეთი რთული ნიშნისთვის, როგორიც მერწყულია.