კინოსამყაროში ძალიან ბევრი დასამახსოვრებელი მომენტია, თუმცა აღნიშვნაც კი არ სჭირდება იმ ფაქტს, რომ ამ კონკრეტულ დასამახსოვრებელ სცენებს პერსონაჟები ქმნიან. მიუხედავად იმისა, რომ კინოსამყაროს უამრავი დადებითი პერსონაჟი ჰყავს, რომლებიც წლების განმავლობაში მაყურებელთა საყვარელი გმირები გახდნენ, საუკეთესო ფილმებს, დასამახსოვრებელს, ბოროტმოქმედები ხდიან. მათ რიცხვში, კი ყველაზე დასამახსოვრებლები ფსიქოპატები არიან, რომლებიც განსაკუთრებული სისასტიკით, არაპროგნოზირებადობითა და შთამბეჭდავი რეპლიკებით გამოირჩევიან.
ყოველივე ზემოაღნიშულის გათვალისწინებით, გვინდა წარმოგიდგინოთ ანტიგმირები, რომლებიც კინოისტორიას ახსოვს და მომავალშიც ემახსოვრება, როგორც ადამიანები, რომლებმაც სიგიჟე ახალ საფეხურზე აიყვანეს.
მაქს კეიდი – მ/ფ: Cape Fear
რობერტ დე ნირომ ნამდვილად არაჩვეულებრივად ასახიერებს მაქსს, ადამიანს, რომელიც ციხიდან, გაუპატიურების მუხლით ბრალდებული, პატიმრობის შემდგომ გამოდის და შურისძიების წყურვილი ამოძრავებს. ფსიქოპატი, რომელსაც საკუთარი ადვოკატის მოკვლის და გამწარების სურვილი არ ასვენებს. მაქსი განსაკუთრებული სისასტიკით გამოირჩევა, გუდავს ადამიანებს, აჭამს ლოყას და აუპატიურებს. ერთი სიტყვით, მაქს კეიდი ზუსტად ის ადამიანი, რომლის დანახვაზეც ჯობია გვერდით ქუჩაზე გადახვიდე.
ფრენკ ბუტი მ/ფ ლურჯი ხავერდი
დევიდ ლინჩის ერთ-ერეთი საუკეთესო ნამუშევარი, ლურჯი ხავერდია, სადაც დენის ჰოპერი, ანსახიერებს განგსტერული ბანდის ლიდერს, ფრენკს, რომელიც მსხვერპლს განსაკუთრებული სისასტიკით ექცევა, ასახიჩრებს და სექსუალურად ძალადობს მათზე. ნამდვილი ფსიქოპათი, რომელიც მომღერლის შვილს იტაცებს და განსაკუთრებული სისასტიკით ექცვა.
ალექსი მ/ფ მექანიკური ფორთოხალი
სტენლი კუბრიკის პროტესტის ნათელი მაგალითი მხატვრული ფილმი „Clockwork Orange“-ია, სადაც, ალექსი, ფსიქოპატი, რომელიც სიცოცხლეს არაფრად აგდებს, საკუთარი იდეების დასამტკიებლად, თავის მეგობრებთან ერთად განსაკუთრებული სისასტიკით ექცევა ადამიანებს..
პოლკოვნიკი კურდსი მ/ფ აპოკალიფსი ახალა
ომისაგან გაგიჟებული ჯარისკაცი, რომელიც არავის ემორჩილება საკუთარი თავის გარდა. მარლონ ბრანდომ არაჩვეულებრივად შეასრულა მშვიდი ფსიქოპატის როლი, სადაც მისი საბოლოო გამოჩენა და ტექსტი სრული იმპროვიზაციაა, რადგან მსახიობმა ვერ მოასწრო ტექსტის გადაღებებისათვის დამახსოვრება და მომზადება.
ტრევისი მ/ფ ტაქსის მძღოლი
1976 წელს მარტინ სკორსეზემ შექმნა ფილმი, რომელიც ზუსტად ასახავს თანამედროვე ადამიანის მარტოობას. ტრევისი, ვიეტნამის ომის ვეტერანია, რომელსაც უძილობა აწუხებს და ნიუ იორკის ტაქსის მძღოლი ხდება. იგი ცდილობს სოციუმთან ინტეგრაციას, მაგრამ საზოგადოება მას არ იღებს. საკუთარ თავთან და ფიქრებთან მარტო დარჩნილი…
80-იანებში გადარებული საკულტო ფილმი, რომელიც აუცილებად ყველამ უნდა ნახოს.
ჰანიბალ ლექტერი მ/ფ კრავთა დუმილი
ჰანიბალ ლექტერი, რომელსაც ენტონი ჰოპკინსი ასახიერებს გაცნობას არ საჭიროებს, თუმცა მათ, ვისაც ფილმი ნანახი არ აქვთ, მას დაუყოვნებლივ უნდა უყურონ, რადგან გადმოცემა იმისა, თუ რას წარმოადგენს კანიბალი ფსიქოპატი უბრალოდ შეუძლებელია.
ჯონ დოუ მ/ფ შვიდი
ჯონ დოუ ნამდვილად საშიში ფსიქოპათია, რომელიც მსხვერპლებს შვიდი მომაკვდინებელი ცოდვის მიხედვით არჩევს. რელიგიური მკვლელობების გახსნას ორი დეტექტივი, სომერსეტი (მორგან ფრიმენი) და მილსი (ბრედ პიტი) ცდილობს. ფილმის ფინალი ერთ-ერთი საუკეთესოა კინოსამყაროს ისტორიაში, შესაბამისად მათთვის, ვისაც ფილმი ნანახი არ აქვს, უარყოფით პერსონაჟს სპეციალურად არ ვაჩვენებთ.
ჯეკი მ/ფ სახლი, რომელიც ჯეკმნა ააშენა
ლარს ფონ ტრიერის უკანასკნელი ნამუშევარის პრემიერისას მაყურებელი კინოთეატრს ტოვებდა. ჯეკი, რომელსაც მეტ დილონი ასრულებს, ფსიქოპატია, რომელიც ქალებს ხოცავს. ამასთან, მას ობსესიურ-კომპულსიური აშლილობა აქვს. იგი სისუფთავეზეა „შერყეული“. ამასთან, იგი მკვლელობის ადგილს „100-ჯერ“ მაინც სტუმრობს, იმის გადასამოწმებლად, დატოვა თუ არა რაიმე სამხილი. ფილმი საკმაოდ მძიმე საყურებელია, სადაც სისხლი და ძალადობა საკმარისზე მეტია.
ანტონ ჩიგური მ/ფ მოხუცების ადგილი აქ არ არის
ანტონ ჩიგურს, ხავიერ ბარდემი ანსახიერებს და იგი ნამდვილად საშიშია. მსახიობი არაჩვეულებრივად ახერხებს უმაწყალო ფსიქოპატის როლის შესრულებას, რომლის პულსი ადამიანის მკლელობის დროს 70 – 80 დარტყმას წამში არ აღემატება. ფსოიქოპატი, რომელიც ადამიანებს, შეიძლება ითქვას, უაზრო მიზეზით ხოცავს და მათ სიცოცხლეს 25 ცენტიანის დავარდნის ალბათობას აწყვეტინებს. ის მაქიმალურად ჩუმია და მისი შეჩერება ფაქტობრივად შეუძლებელია. ძმებმა კოენებმა ხავიერ ბარდემთან ერთად კინოსამყაროს ერთ-ერთი საუკეთესო ანტაგონისტი აჩუქეს სამყაროს.
ჯოკერი მ/ფ ბნელი რაინდი
პერსონაჟი, რომელიც წარდგენას არ საჭიროებს. ჯოკერი საკულტო ბოროტმოქმედია, ფსიქოპატი, რომელსაც ვერავინ შეედრება.
