თუ დაიღალეთ უსასრულო მძაფრ-სიუჟეტიანი და სუპერგმირული ფილმებით, საბედნიეროდ არსებობს ღირსეული ნამუშევრები, რომლებიც იმსახურებენ თქვენც ყურადღებას. ჩვენი ჰოლივუდისადმი დიდი სიყვარულის მიუხედავად, მისი მრავალფეროვნების და პოპულარული მსახიობების დამსახურებით, ხანდახან სულ სხვა ტიპის ფილმებს ვეძებთ ხოლმე. სწორედ ამიტომ, დღევანდელ კოლექციაში თავი მოვუყარეთ სხვადასხვა ქვეყნის რეჟისორების ნამუშევრებს, რომლებშიც ვერ შეხვდებით მომაბეზრებელ კლიშეებს:

კვირა დღის დაავადება (2018)

მდიდარი ხანშიშესული ქალის ცხოვრება ქალიშვილის მოულოდნელმა ვიზიტმა დაარღვია, რომელიც მან 30 წლის წინ მიატოვა. დედების და შვილების ურთიერთობაზე ბევრი ფილმია გადაღებული, თუმცა ეს ფილმი თავისი სიტყვაძუნწობითა და თავშეკავებულობით გამოირჩევა. რამონ სალასარი მშობლიური ესპანეთის ფარგლებს გარეთ ცნობილი რომანტიკული მელოდრამის ციდან სამ მეტრზე დამსახურებით გახდა, რომლისთვისაც სცენარი დაწერა. ამჯერად ის რეჟისორის სავარძელში მოთავსდა და ღირსეული ფილმი შექმნა, რომელიც ბერლინის კინოფესტივალის მონაწილე გახდა.

ცუდი გენიოსი (2017)

თრილერი, რომელიც სტუდენტების რეალური თაღლითობის შემთხვევას ეფუძნება. საინტერესო ოპერატორული ნამუშევარი, ცოცხალი მონტაჟი და დინამიკა საერთო ჯამში კარგ ეფექტს ქმნის, რასაც დრამისკენ და ურთიერთობებისკენ პატარა გადახვევაც არ აფუჭებს. მუსიკალური გაფორმება ისედაც დაძაბულ მოქმედებას კიდევ უფრო ამძაფრებს. რა თქმა უნდა, ეს ამ ჟანრის რევოლუციური ნამუშევარი არ არის, მაგრამ საინტერესო სიუჟეტი და დინამიკურად განვთარებული მოვლენები იმსახურებენ თქვენს ყურადღებას.

კოდალები (2017)

დომინიკის რესპუბლიკაში გადაღებული დრამა, რომელიც საკმაოდ წარმატებული აღმოჩნდა. ალბათ, წარმოუდგენელია იპოვო საკუთარი ცხოვრების მიზანი ციხეში. მაგრამ ფილმის მთავარი გმირი თავის სიყვარულს სწორედ აქ ხვდება, თუმცა მათ ათობით მცველი და კედლები აშორებთ. მათ ჟესტების ენაზე უწევთ ურთიერთობა, რომ მათი კავშირი არ გამოაშკარავდეს.

ორმაგი საყვარელი (2017)

ფრანსუა ოზონის ბოლო ნამუშევარი, რომელსაც, ვინც მის ნამუშევრებს იცნობს დაგევთანხმება, რომ საუკეთესოს ვერ დავარქმევთ, თუმცა, რა თქმა უნდა, როგროც ამ რეჟისორს შეეფერება, ფილმი საინტერესო და შთამბეჭდავია. ფილმი ჯოის კეროლ ოუტსის რომანის “ტყუპების ცხოვრების” ეკრანიზაციაა. ამაღელვებელი ატმოსფერო მათ, ვისაც ფრანგული თრილერები მოსწონთ, აუცილებლად ჩაითრევს.

გაუმჯობესება (2018)

“გაუმჯობესება” იმის კარგი მაგალითია, რომ მთავარია რაღაც ღირებულის შექმნის სურვილი და მიუხედავად ფინანსური შეზღუდვებისა, ყველაფერი შესაძლებელია. ეს არის მარტივი და ამავე დროს ძალიან უჩვეულო, მკვეთრი და მეტყველი ფილმი კომედიის ელემენტებით, რომელიც ოსტატურად შეიცავს თრილერის, მძაფრ-სიუჟეტიანი და დეტექტივის ჟანრებს. ეს არის ფილმი არც ისე შორეულ მომავალზე, რომელშიც ტექნოლოგიები აკონტროლებენ ყველაფერს, თუმცა ეს ყველას არ მოსწონს…

მანიფესტო (2015)

ორიგინალური, თანმიმდევრული, რთულად გასაგები – აქ არ არის ინტრიგები, აქ არის მხოლოდ ფორმა, რომელიც ხსნის ხელოვნების იდეის სამყაროს. იყო დაკავებული ხელოვნებით, ნიშნავს ადამიანის გონების მწვერვალების მიღწევას. ორი ოსკარის მფლობელი ქეით ბლანშეტი, როგორც ყოველთვის, შეუდარებელია და მის ცამეტ პერსონაჟის რეალურობაში არც ერთი წუთით არ შეიტანთ ეჭვს. “მანიფესტო” ერთგავრი მოწოდებაა დაძველებული სტერეოტიპების დანგრევისკენ და ახალი ღირებულებების შექმნისკენ.

კვადრატი (2017)

მართალია, ფილმის შესახებ ბევრმა ადამიანმა არ იცის, მაგრამ მას 2017 წლის ერთ-ერთ მთავარ ნამუშევრად ასახელებენ. რუბენ ესტლუნდმა არაჩვეულებრივი ტრაგიკომედია წარმოგვიდგინა. პესიმიზმი, როგორც ჩრდილოელების ნაციონალური აზროვნების თავისებურება, აქ სრულად არის გადალახული. ფილმი მოახერხებს თქვენი განწყობის ამაღლებას.

ოკჯა (2017)

ჯუნ-ჰო ბონგმა გვაჩვენა ადამიანის ერთიანობა ბუნებასთან, ბავშვური გულწრფელობა და დაუპირისპირა ერთმანეთს ანგარებისა და ექსპლუატაციის თემები, რომლებითაც გაჟღენთილია ჩვენი რეალობა. ფილმში ზღაპრული ატმოსფერო ძალიან კარგად ერთვის მწარე სიმართლეს. საოჯახო ფილმი, რომელიც პატარა გოგონას და მუტანტი გოჭის მეგობრობის თემას ეხება, იმ ზღვარს შლის, რომელიც ადამიანებმა ჩვენ და ცხოველებს შორის შევქმენით.

ეიფორია (2018)

ამ ფილმა აზრთა სხვადასხვაობა გამოიწვია, თუმცა, ვფიქრობთ, რომ ის იმსახურებს თქვენს ყურადღებას. ის კიდევ ერთხელ შეგვახსენებს, რომ თითოეულ ადამიანს სჭირდება პატიება და სიყვარული, განსაკუთრებით კი სიკვდილის წინ. ფილმი ისეთ თემებსაც ეხება, როგორიცაა მარტოსულობა და სიკვდილის შიში. “ეიფორია”დაგეხმარებათკიდევ ერთხელ გაიაზროთ, თუ რამდენად უბედურია ადამიანი გაურკვევლობის წინაშე, მთელი თავისი სიმდიდრით, სტატუსებითა და რეგალიებით, თუ გვერდით არ ჰყავს საყვარელი ადამიანი. ფილმში მთავარ როლებს ალისია ვიკანდერი და ევა გრინი ასრულებენ.

55 საფეხური (2018)

ადამიანი სისტემის წინააღმდეგ. აქვს თუ არა ერთ ადამიანს წარმატების შანსი, როდესაც ყველას უპირისპირდება? მით უმეტეს, როდესაც ეს ადამიანი ფისიქტრიული დაწესებულების პაციენტია? თემის სირთულის მიუხედავად, რეჟისორმა ბილე აუგუსტმა მოახერხა კლინიკის დერეფნებს და სასამართლო სხდომებს, ოჯახურ უთანხმობებსა და შეძენილ მეგობრობის შორის ოქროს შუალედის შენარჩუნება.