ფილმები, რომლებსაც ქვემოთ წარმოგიდგენთ, ადამიანის ერთ-ერთ უმთავრეს ვნებაზე – მოგზაურობაზეა. შთამაგონებელი, ინფორმაციული და საინტერესო ფილმები ჩვენ თვალწინ ახალ გზებს შლის და თუ ქალაქისგან თავდახსნას ჯერჯერობით ვერ ვახერხებთ, ოთახიდან გაუსვლელადაც გვამოგზაურებს.
გრძელი გზა
დოკუმენტური სერიალი იუან მაკგრეგორისა და ჩარლი ბურმენის მონაწილეობით, მსოფლიოს გარშემო მოტოციკლით მოგზაურობის ისტორიაა.
სად წაგიყვანს: დედამიწის ნებისმიერ კუთხეში
ამელი
გულუბრყვილო და ცნობისმოყვარე პარიზელი გოგონას ამბავი, რომელიც სიყვარულს საკუთარი, უჩვეულო გზით ეძებს, საფრანგეთში მოგზაურობას მოგანდომებთ.
სად წაგიყვანს: პარიზში
ველურ გარემოში
ჯონ კრაკაუერის რომანის ეკრანიზაცია. უნივერსიტეტის წარჩინებული კურსდამთავრებული, სპორტსმენი კრისტოფერ მაკ-კენდლესი პერსპექტიულ ცხოვრებას მოულოდნელად ტოვებს და ალასკაზე მიდის ველურ გარემოში საცხოვრებლად.
სად წაგიყვანს: ველურ გარემოში 🙂
სასტუმრო Grand Budapest
მართალია, მოქმედება გამოგონილ რესპუბლიკაში, ზუბროვკაში მიმდინარეობს, საკმაოდ კონკრეტულ ადგილსა და პერიოდზე მიანიშნებს. ეს ფერადოვანი ფილმი სასტუმროს ლეგენდარული კონსიერჟის, გუსტავ ჰ.-ის, ზერო მუსტაფას და მისი შვილობილის ცხოვრების შესახებ I და II მსოფლიო ომებს შორის პერიოდში, დროსა და სივრცეში მოგზაურობას კიდევ ერთხელ განატრებინებთ.
სად წაგიყვანს: გერმანიაში
მზის ამოსვლამდე
ახალგაზრდა მამაკაცი და ქალი ერთმანეთს ევროპაში, მატარებელში გაიცნობენ და ვენაში საღამოს ერთად გატარებას გადაწყვეტენ, მიუხედავად იმისა, რომ იციან, ეს მათი ერთად ყოფნის ბოლო საღამოა.
სად წაგიყვანს: ვენაში
ცენტრალური სადგური
ბრაზილიური დრამა სკოლის ყოფილ მასწავლებელზე, რომელიც წერა-კითხვის უცოდინარი ხალხის ნაცვლად წერილებს წერს. ემოციებით სავსე მოგზაურობა ბიჭუნასთან ერთად, რომელსაც დედა აღარ ჰყავს და უცნობ მამას ეძებს.
სად წაგიყვანს: ბრაზილიაში
პატარა მის ბედნიერება
შესანიშნავი კომედია ოჯახზე, რომელიც გადაწყვეტს, ფურგონით გაემგზავროს სილამაზის კონკურსზე – “პატარა მის ბედნიერება” – რომელშიც მათი პატარა გოგონა მონაწილეობს.
სად წაგიყვანს: ამერიკის შეერთებულ შტატებში
მოტოციკლისტის დღიური
ჩე გევარას დღიურებზე დაფუძნებული ფილმი – ახალგაზრდა ჩე საუკეთესო მეგობართან, ალბერტო გრანადოსთან ერთად მოტოციკლით მოგზაურობს და საკუთარი ცხოვრების არსს, მოწოდებას ეძიებს.
სად წაგიყვანს: სამხრეთ ამერიკაში
ვიკი, კრისტინა, ბარსელონა
ესპანეთში სამოგზაუროდ წასულ ორ მეგობარ გოგონას ერთი მამაკაცი შეუყვარდება და წარმოდგენაც არ აქვთ მხატვრის ყოფილ მეუღლეზე, რომელთანაც მამაკაცს კვლავ მგზნებარე ურთიერთობა აკავშირებს.
სად წაგიყვანს: ესპანეთში
თარგმანში დაკარგულები
ჩამქრალი კინოვარსკვლავისა და თავნება ახალგაზრდა გოგოს უცნაური შეხვედრა და ურთიერთობა მათთვის არცთუ ნაცნობ დიდ დედაქალაქში – ტოკიოში.
