ჩვენი ცხოვრება იმდენი პრობლემითა და გამოწვევითაა სავსე, რომ ხშირად გვავიწყდება უბრალო, მარტივი სიხარულები. არადა აუცილებელია, გამოვნახოთ დრო განტვირთვისა და დასვენებისთვის. გთავაზობთ 10 შესანიშნავ კომედიას ქალებისთვის – განწყობის ასამაღლებლად:
შეყვარებულის გარეშე (2016)
ხანგრძლივი ურთიერთობის გაწყვეტის შემდეგ ელისი უმეგობრდება რობინს, რომელსაც მისგან სრულიად განსხვავებული ცხოვრების სტილი აქვს. შეავსებს კი აქტიური სოციალური ცხოვრება, წვეულებები, გართობა ელისის სიცარიელეს?
პირველი ცოლების კლუბი (1996)
ისინი ბავშვობის მეგობრები არიან, თუმცა ცხოვრების გარკვეულ ეტაპზე ურთიერთობა გაწყვიტეს. ახლა სამივე მათგანს ერთი პრობლემა აქვს: ისინი ყოფილი ცოლები არიან – პირველი ცოლები, რომლებიც შურისძიებას გადაწყვეტენ…
ახალი დასაწყისი (2013)
გრეტა უკრავს, დენის კი ადრე ხმის ჩამწერი სტუდია ჰქონდა. ისინი ერთმანეთს ნიუ-იორკში ხვდებიან და გადაწყვეტენ, ერთობლივი ალბომი შექმნან, მიუხედავად იმისა, რომ ფული ცოტა აქვთ.
სიყვარულით გაბრუება (1997)
სემს საინტერესო სამსახური აქვს, ჰყავს მშვენიერი მეგობარი გოგონა – ლინდა… მერე კი ლინდა ნიუ-იორკში მიდის და იქიდან აღარ ბრუნდება. მხოლოდ გამოსამშვიდობებელ წერილს გზავნის. ლინდას მოსაძებნად წასული სემი აღმოაჩენს, რომ მას ახლა სხვა ჰყავს.
განქორწინება ამერიკულად (2006)
ბრუკი დარწმუნებულია, რომ მისი მოუმწიფებელი მეგობარი მამაკაცი გარი მას სათანადოდ არ აფასებს. ამიტომ, შორდება, რათა კაცს მოენატროს და მის მნიშვნელობას მიხვდეს. თუმცა, გარი მის განზრახვას თავისებურ ინტერპრეტაციას აძლევს და ნამდვილ ომს იწყებს.
მუსიკა და ლირიკა (2007)
ალექსი ძველი სუპერვარსკვლავია, რომელსაც შანსი უჩნდება, პოპულარობა დაიბრუნოს, თუ სიმღერას ცნობილ პოპ ვარსკვლავთან ჩაწერს. მას სიმღერის დაწერა თავად უხდება, რაც ადრე არასდროს გაუკეთებია. საბედნიეროდ, გამოჩნდება ქალი, რომელიც მას ამ რთულ საქმეში ეხმარება.
მე, შენ და დიუპრე (2006)
კარლი და მოლი თავიანთ ურთიერთობას ოფიციალურ სახეს აძლევენ. ყველაფერი კარგად მიდის მანამ, სანამ ახლო მეგობარი დიუპრე მათ ცხოვრებაში არ ჩაერევა…
სტუმრად ელისთან (2017)
ორმოცი წლის ელისი ორ ქალიშვილს მარტო ზრდის. მერე კი ხვდება სამ ბიჭს, რომელიც ბინას ეძებს. ელისი მათ თავის ბინაში ცხოვრების ნებას რთავს, რასაც სრულიად მოულოდნელი შედეგები მოჰყვება.
სიყვარულით, როზი (2014)
როზი და ალექსი ბავშვობიდან საუკეთესო მეგობრები იყვნენ. ისინი ერთად აპირებდნენ სწავლის გაგრძელებას ჰარვარდში, თუმცა გაუთვალისწინებელმა შემთხვევამ მათი გეგმები შეცვალა…
მისტერ სამართლიანი (2015)
მისი გაცნობის შემდეგ მარტა იჯერებს, რომ ცხოვრების მამაკაცს შეხვდა. ის ვერც კი წარმოიდგენს, რომ ამ სრულყოფილი სხეულის მიღმა დაქირავებული მკვლელი იმალება.
