დაგვეთანხმებით, რომ დღეს ჩვენი ცხოვრება წარმოუდგენელია სოციალური ქსელების გარეშე. სწორედ მათი დახმარებით ჩვენ ერთმანეთს ვეკონტაქტებით, ვიცნობთ ახალ ადამიანებს, ვმუშაობთ, ვსწავლობთ და გამუდმებით შეგვიძლია მოვიძიოთ ნებისმიერი სახის ინფორმაცია.

როგორც ყველა დანარჩენი, არც სოციალური ქსელის მუდმივი არსებობა შეიძლება იყოს სიკეთის მომტანი – მისი ხშირად მოხმარება მასზე დამოკიდებულს გვხდის, ნებისმიერ რამეზე დამოკიდებულება კი, კარგს არაფერს მოგვიტანს.

ლაიქებზე ნადირობა (2017)

ორმა მეგობარმა ჩირლიდერმა მოწყენილობისგან სოციალურ ქსელში რეპორტიორების სახით ექაუნთის შექმნა გადაწყვიტა. ისინი მოყვარული გამომძიებლები არიან, რომლებიც ადგილობრივი მანიაკის კვალს მიჰყვებიან. მოულოდნელად გოგონებმა შეძლეს მკვლელის პოვნა, მაგრამ ხელმომწერები რომ არ დაკარგონ, აგრძელებენ უდანაშაულო ადამიანების მოკვლას და რეპორტაჟების გადაღებას.

წაშალე მეგობრები (2015)

მოზარდების ჩვეულებრივ წვეულებაზე უფროსკლასელი ლორა ისე დათვრა, რომ არაერთხელ შეირცხვინა თავი და ბოლოს ქუჩაში ჩაეძინა. ლორას ერთ-ერთმა “კეთილმა” ნაცნობმა მისი გიჟური ღამე გადაიღო და ვიდეო ინტერნეტში ატვირთა. გოგონამ სირცხვილს ვერ გაუძლო და სიცოცხლე თვითმკვლელობით დაასრულა. მისი გარდაცვალებიდან ზუსტად ერეთი წლის შემდეგ მისი ექვი ახლო მეგობარი იგებს, თუ ვინ იყო ლორას სიკვდილში დამნაშავე.

კაცები, ქალები და ბავშვები (2014)

რეალურად, არავინ არასდროს იცის რითი არიან დაკავებულები და დაინტერესებულები ჩვენს ირგვლივ მყოფი ადამიანები. სანდომიანი მეზობელი შეიძლება დაუსჯელად ინახავდეს თავის კომპიუტერში საბავშვო პორნოგრაფიას, “იდეალური” თანამედროვე დედა ქალიშვილს ინტიმური რაკურსით უღებდეს სურათებს, მოწესრიგებული მეოჯახე კი, გოგონების გამოძახების მომსახურებას იყენებდეს. ჯეისონ რაიტმანის ფილმში მთავარ როლებს ადამ სენდლერი, ჯენიფერ გარნერი და სხვა ვარსკვლავები ასრულებენ.

ნერვი (2016)

17 წლის ვიმ, რომელსაც ემა რობერტსი ასრულებს, გადაწყვიტა მონაწილეობა მიიღოს ინტერაქტიულ თამაშში “ნერვი”. მაყურებელი მონაწილეებს სხვადასხვა დავალების შესრულებისითვის ფულს უხდის, მაგრამ ყოველი მომდევნო დავალება უფრო ექსტრემალური და სიცოცხლისთვის სახიფათო ხდება. შეძლებს თუ არა ვი გაიაროს ყველა დონე და დარჩეს ცოცხალი?

წრე (2017)

ემა უოთსონის პერსონაჟი მეი ოცნების სამსახურში იწყებს მუშაობას – უმსხვილესი ტექნოლოგიური კომპანია “წრე” სოციალური ქსელების გაერთიანებისკენ ისწრაფვის, რათა ადამიანებს გაცნობის, სამყაროს შეცნობის და ახალი პროფესიონალური შესაძლებლობების აღმოჩენის საშუალება მისცეს. კომპანიის დამაარსებელი მალევე შეამჩნევს მეის და სთავაზობს მონაწილეობა მიიღოს ექსპერიმენტში, რომელიც გადაატრიალებს მილიარდობით ადამიანის წარმოდგენას პირადი თავისუფლების საზღვრებზე.

ინგრიდი მიდის დასავლეთში (2017)

ფსიქიურად გაუწონასწორებელ გოგონას, ინგრიდს, რომელიც უაზროდ ატარებს თავის ცხოვრებას, ერთადერი რამ ანიჭებს სიხარულს – მისი ინტაგრამის კუმირი ტეილორია, რომლის ცხოვრებას და გარეგნობასაც ის აღმერთებს. უცხო გოგონას ექაუნთით შებყრობილი ინგრიდი გარეგნობას იცვლის და ლოს-ანჯელესში “იდეალურ” ტეილორთან დასამეგობრებლად მიდის.

კავშირის გაწყვეტა (2012)

სიუჟეტი თანამედროვე ადამიანების ჯგუფის გარშემო ვითარდება, რომლებიც თანამედროვე ტექნოლოგიების სადენებით სავსე სამყაროში, გარშემომყოფებთან ურთიერთკავშირის დალაგებას ცდილობენ. ყველა მათგანს ერთი რამ აერთიანებს – ისინი ვირტუალური სამყაროს მძევლები გახდნენ.

ჩეთი (2010)

ფილმი თინეიჯერი მეგობრების შესახებ მოგვითხრობს, რომლებიც ჩეთში ქარიზმატულ უილიამს (აარონ ჯონსონი )იცნობენ. ისინი მას, როგორც მეგობარს ისე მიიღებენ, თუმცა უილიამისთვის მათთან ურთიეთობა ერთგვარი თამაშია, რომელსაც ის კატა-თაგვობანას ეძახის.

კიბერ–ტერორი (2015)

კეისი, რომელსაც “სამეფო კარის თამაშების” ვარსკვლავი მეისი უილიამსი ასრულებს, ჩვეულებრივი ახალგაზრდა გოგონაა, რომელიც, როგორც მისი თანატოლების უმრავლესობა, თავისუფალი დროის უმეტეს ნაწილს მონიტორის წინ ატარებს. ის ინტერნეტის აქტიური მომხმარებელია და მთელი დღის განმავლობაში სოციალურ ქსელებს ათვალიერებს. ძალიან მალე კი, კეისი იძულებული გახდება შეასრულოს არანორმალური ჰაკერის ყველა მითითება, რადგან წინააღმდეგ შემთხვევაში ახალგაზრდა გოგონას ინტიმური ფოტოები მთელს სოციალურ ქსელებს დაიპყრობს.

მეგობრობის თხოვნა (2016)

კიდევ ერთი მაგალითი, რომ სოციალური ქსელი სულაც არ არის უსაფრთხო ადგილი, სადაც ნებისმიერ ადამიანთან ღირს დამეგობრება. მეგობრობის თხოვნის მიღების დროს დამმატებლის პიროვნებას ონლაინ არავინ აკვირდება, რადგან ფიქრობენ, რომ ეს უბრალოდ ელექტრონული მიმოწერაა დროის გასაყვანად. სამწუხაროდ, ზოგიერთი ადამიანისთვის მეგობრობის დამატებას სულ სხვა, გაცილებით მნიშვნელოვანი დატვირთვა აქვს.