ქვემოთ ჩამოთვლილი ფილმები განსხვავებულ ისტორიებს გვიყვება, თუმცა ყველა მათგანი ადამიანობის არსს ეხება და დასასრულს პოზიტიურ განცდას გვიტოვებს. გთავაზობთ 10 ფილმს, რომელიც უკეთეს ადამიანად გაქცევთ:
ერინ ბროკოვიჩი (2000)
უმუშევარი დედა, რომელსაც რთული ფინანსური მდგომარეობა აქვს, ადვოკატის ასისტენტად იწყებს მუშაობას. ის აღმოაჩენს საქმეს დაბინძურებულ წყალზე, რომელიც მოსახლეობას აავადებს. მხარდაჭერის გარეშე, ქალი სრულიად მარტო იწყებს ბრძოლას მოსახლეობის დასახმარებლად.
სტრეიტის ამბავი (1999)
როდესაც ძმის ავადმყოფობის შესახებ გაიგებს, მოხუცი სტრეიტი მის მონახულებას გადაწყვეტს, მაგრამ კაცს ცუდი მხედველობის გამო მართვის მოწმობა არ აქვს. ის ძმის სანახავად გაზონის საკრეჭი მანქანით მიემგზავრება…
ჰარვი მილკი (2008)
ბიოგრაფიული ფილმი რეალურ ამბავს ეფუძნება და გვიყვება ამერიკელი პოლიტიკოსის, ჰარვი მილკის ისტორიას – პირველი გეი მამაკაცის, რომელიც ამერიკელმა ხალხმა მმართველად აირჩია.
დარჩი ჩემთან (1986)
პატარა მეგობრები დაღუპული ბიჭის ცხედრის მოსაძებნად ტყეში წასვლას გადაწყევტენ. ეს მოგზაურობა მათ მეგობრობას გამოცდას უწყობს და ბავშვობის პერიოდის ბევრ ნიუანსს აცოცხლებს.
მკვდარი პოეტების საზოგადოება (1989)
კონსერვატული სტანდარტების მქონე სკოლაში ახალი მასწავლებელი მოდის – ჯონ ქითინგი, რომელიც სტუდენტებს პოეზიაზე, თავისუფლებაზე, ადამიანობის არსსა და მნიშვნელობაზე ესაუბრება…
გაქცევა შოუშენკიდან (1994)
ენდი დიუფრენს ცოლისა და მისი საყვარლის მკვლელობისთვის აპატიმრებენ და შოუშენკის ციხეში სამუდამო პატიმრობას უსჯიან. ესაა ფილმი, რომელიც მეგობრობის, მტკიცე ნებისყოფისა და რწმენის ისტორიას გვიყვება.
პარიზი, ტეხასი (1984)
რამდენიმეწლიანი გაუჩინარების შემდეგ, ტრევისი პატარა შვილთან ერთად ბრუნდება ოჯახში და ჩვენ ვხედავთ ქაოსურ გზას, რომელსაც ზოგიერთი ადამიანი გადის ცხოვრებაში.
ჩემი მარცხენა ფეხი (1989)
ფილმი მოგვითხრობს საოცარ ისტორიას ცერებრალური დამბლის მქონე კრისტი ბრაუნზე, რომელმაც თითქმის წარმოუდგენელი შეძლო – წერა და ხატვა ფეხის თითებით.
ჭკვიანი უილ ჰანტინგი (1997)
მათემატიკური ნიჭით დაჯილდოებული უილ ჰანტინგი კოლეჯში დამლაგებლად მუშაობს. მისი ნიჭის აღმოჩენის შემდეგ ფსიქოთერაპევტი ბიჭს საკუთარ თავში გარკვევაში ეხმარება…
მაგნოლია (1999)
პოლ ტომას ანდერსონის დაუვიწყარი ფილმი რამდენიმე ადამიანის ცხოვრებაზე, შეცდომებზე და სინანულზე, ტკივილზე და გადარჩენაზე. ფილმი, რომლის ნახვის მერეც აუცილებლად დავუსვამთ კითხვას საკუთარ თავს: როგორი ადამიანები გვინდა, რომ ვიყოთ?
