დესტრუქციული და მოძველებული სოციალური სისტემები, მავნე ოჯახური კავშირები, სექსუალური ძალადობა, რასაც ცალკეული ინდივიდები იდენტობის კრიზისამდე მიჰყავს. დღევანდელი 10 ფილმი სწორედ ამაზეა:
ზოდიაქო (2007)
1960-იანი წლები. იდუმალი სერიული მკვლელი სან-ფრანცისკოს ატერორებს და მედიას წერილებსა და მინიშნებებს უგზავნის. ერთ-ერთ ჟურნალისტს ეს საქმე აკვიატებად ექცევა. იმდენად შეპყრობილი ხდება, რომ იდენტობას კარგავს და ოჯახურ ურთიერთობებს ანგრევს.
ალპები (2011)
ადამიანთა ჯგუფი მათ, ვისაც ახლობელი ადამიანი გარდაეცვალათ, უჩვეულო მომსახურებას სთავაზობს: ისინი დროებით გარდაცვლილებს ანაცვლებენ. ფილმში ჩვენ ვხედავთ პერსონაჟებს, რომლებიც სრულიად კარგავენ იდენტობას და საკუთარ თავს მკვდარ ადამიანებად აღიქვამენ.
შავი გედი (2010)
მან ბალეტში მთავარი როლი მიიღო და ახლა მზადების პროცესში მთელ ძალასა და ენერგიას ხარჯავს. თუმცა, ამ მძიმე შრომის მიღმა მოძალადე დედის გამუდმებული კონტროლი და ჩახშული სურვილები დგას, რასაც ის იდენტობის დაკარგვამდე მიჰყავს.
სხვისი სახე (1966)
დამახინჯებული სახის მქონე კაცი ოპერაციას იკეთებს. ოპერაცია წარმატებით ჩაივლის. ახალი სახე კაცისთვის ახალი ცხოვრების დასაწყისი აღმოჩნდება, მაგრამ აღმოჩნდება პიროვნების დაკარგვის დასაწყისიც…
სიკვდილით გადაბმულები (1988)
იდენტური ტყუპი ძმა – საერთო სამუშაოთი, საერთო ქალებით. ყველაფერი კარგად მიდის მანამ, სანამ მათ ცხოვრებაში მიმზიდველი ქალი არ გამოჩნდება, რომელიც სასტიკი ცვლილებების მიზეზი გახდება.
ნოსტალგია (1983)
რუსი პოეტი იტალიაში მიემგზავრება მე-18 საუკუნის კომპოზიტორის ცხოვრებაზე ინფორმაციის მოსაძიებლად. ის ხვდება კაცს, რომელსაც სხვები შეშლილად აღიქვამენ, თავად კი გაურკვევლობაშია საკუთარ პიროვნებასთან მიმართებით.
მემანქანე (2004)
ფილმის მთავარ გმირს, რომელსაც თითქმის ერთი წელია არ სძინებია, საშიში ხილვები აქვს. ის საკუთარი ცნობიერების კვლევას იწყებს, რათა რეალობის აღქმა დაიბრუნოს და შეშლილობას გადაურჩეს.
ორეულები (1966)
ცხოვრებით უკმაყოფილო შუახნის კაცი გადაწყვეტს, მიაკითხოს საიდუმლო ორგანიზაციას, რომელიც ადამიანების სიკვდილს აყალბებს და მათ სახეზე ოპერაციებს უკეთებს. ახლა მთავარ გმირს ახალი სახე და ახალი იდენტობა აქვს…
პერსონა (1967)
ახალგაზრდა მედდა უვლის მსახიობს, რომელმაც, ნერვული კრიზისის შემდეგ, ხალხთან კონტაქტი გაწყვიტა და იზოლირებულად ცხოვრობს. სამყაროსგან მოწყვეტილი ორივე ქალის ცხოვრებაში საკუთარი პიროვნების გაცნობიერების უჩვეულო პროცესი იწყება.
მებრძოლთა კლუბი (1999)
და რა თქმა უნდა, ერთ-ერთი საუკეთესო ფილმი იდენტობის კრიზისზე – მებრძოლთა კლუბი, დევიდ ფინჩერის სიგიჟე, რომელმაც უამრავი ადამიანის ცნობიერებაზე იქონია გავლენა.
