რა იწვევს დევიანტურ ქცევას, დანაშაულს? ქვემოთ ჩამოთვლილ ფილმებში ადამიანის დაფარული მხარეები, ბოროტება და თვითდესტრუქციაა განხილული. ესაა 10 ფილმი ადამიანის ბნელ მხარეებზე:
გოლგოთა (2014)
მღვდელი, რომელსაც სიკვდილით დაემუქრებიან, ყველა შესაძლო გზით ცდილობს რწმენის შენარჩუნებას. ფილმი ნათლად გვიჩვენებს, რამდენ რამეში ვლინდება ადამიანის უარყოფითი მხარეები, დაწყებული ვინმესადმი მიკერძოებული ქცევით, ცივ-სისხლიანი მკვლელობით დამთავრებული.
მგლების დრო (2003)
ქალი და მისი ორი შვილი სასოწარკვეთით იბრძვიან გადარჩენისთვის, როდესაც აღმოაჩენენ, რომ სამყარო, რომელსაც იცნობდნენ, აღარ არსებობს. უბედურება და დაუცველობის შეგრძნება კი ადამიანის ქცევას ძირფესვიანად ცვლის.
ცერემონია (1995)
ლელივრების ოჯახი ახალ მოსამსახურეს ქირაობს – სოფის. ყველაფერი შესანიშნავად მიდის იქამდე, სანამ სოფი თავისი ბნელი მხარის გამოტანას და დემონსტრირებას არ დაიწყებს.
მკვლელებად დაბადებულნი (1994)
მძიმე ბავშვობის ორი მსხვერპლი შეყვარებულები და სერიული მკვლელები ხდებიან. ისინი კლავენ განურჩევლად, ქაოსურად, ყოველგვარი მოტივის გარეშე. ფილმი ადამიანს წარმოაჩენს, როგორც სოციალური გარემოს პროდუქტს.
გასართობი თამაშები (1997)
ოჯახი შვებულების გასატარებლად საზაფხულო სახლში მიდის. მათ კარზე ორი – ერთი შეხედვით, ზრდილობიანი და სიმპათიური ბიჭი აკაკუნებს. სინამდვილეში კი ეს სადისტური და სასტიკი ისტორიის დასაწყისია, რომელიც ადამიანის ყველაზე ბნელ მხარეებს აცოცხლებს.
გათავისუფლება (1972)
მეგობრები განტვირთვისა და დასვენებისთვის მდინარეზე მიდიან და მოულოდნელად აღმოაჩენენ, რომ ეს საშიში ადგილია, რომლის მაცხოვრებლებიც საზარელ საიდუმლოებს მალავენ…
ქალბატონი სიმკაცრე (2013)
თავის მე-11 დაბადების დღეზე გოგონა მშვიდად და ყველასგან შეუმჩნევლად გადის აივანზე და ხტება. მთელი ფილმი იმის დადგენის მცდელობაა, თუ რამ მიიყვანა თვითმკვლელობამდე პატარა გოგონა, რომელიც ერთი შეხედვით – შესანიშნავ ოჯახში გაიზარდა.
მოდი და ნახე (1985)
ომი ყველაზე უკეთ ააშკარავებს ადამიანის ბნელ მხარეებს და ამას ეს ფილმიც ადასტურებს: მას შემდეგ, რაც ძველ თოფს იპოვის, ბიჭი საბჭოთა არმიას უერთდება და ომის ყველა საშინელებას, ადამიანთა გაუგონარ სისასტიკეს გამოცდის.
ქალწულთა წყარო (1960)
მე-14 საუკუნე. შვედეთი. უმანკო, მშვენიერი გოგონას გაუპატიურებისა და სასტიკი მკვლელობის შემდეგ მკვლელები შემთხვევით გოგონას მშობლების სახლში მოხვდებიან და მათი შურისძიების მსხვერპლნი ხდებიან…
მხეცები არსაიდან (2015)
აფრიკაში მიმდინარე სამოქალაქო ომის დროს პატარა ბიჭი – აგუ ჯარისკაცი ხდება, რათა გადარჩეს. მისი ისტორია შემაძრწუნებელია. ჩვენ ვხედავთ, როგორ ძალადობს ინდივიდზე სოციალური ჯგუფი, სადაც კანონები არ არსებობს და ადამიანებს აღარაფერი აჩერებთ თავიანთი ბნელი მისწრაფებების ასასრულებლად.
