ზოგიერთი ადამიანისთვის ცხოვრება პენსიაზე გასვლის შემდეგ იწყება. ამ თეზისს უამრავი ფილმი ამტკიცებს, რომლის გმირებიც ასაკოვანი ადამიანები არიან. როგორ გავერთოთ, გვიყვარდეს, ვიმოგზაუროთ და არ დავკარგოთ ოპტიმიზმი 50 წელს გადაცილების შემდეგ… და გახსოვდეთ, რომ ასაკი ნამდვილ გრძნობებს და სასიყვარულო თავგადასავლებს წინ ვერ აღუდგება.
გთავაზობთ ასეთ 10 ფილმს, რომელიც ერთგვარ მაგალითს მოგცემთ, როგორ უნდა იცხოვროთ, როცა 50-ს გადააბიჯებთ:
ეგზოტიკური სასტუმრო “მერიგოლდი”
ბრიტანელი პენსიონერების ჯგუფი გადაწყვეტს, რომ სავენების საუკეთესო საშუალება არის სასტუმრო, რომელიც ინდოეთში მდებარეობს. ბროშურებზე ადგილები არაჩვეულებრივად გამოიყურება, ფასები კი ევროპულ ქვეყნებზე გაცილებთ დაბალია. და აი, სამოგზაუროდ მიემართებიან გმირები, რომლებსაც ისეთი დამსახურებული მსახიობები ასრულებენ, როგორებიც არიან ბილ ნაი, ტომ ვილკინსონი, მეგი სმიტი და ჯუდი დენჩი, რომელიც ამ როლისთვის ოქროს გლობუსზე იყო ნომინირებული. რა თქმა უნდა, ხმაურიანი და ეგზოტიკური ინდოეთი მაშინვე აღაშფოთებს ქედმაღალ ბრიტანელებს. სულაც არ არის ყველაფერი ისეთი ფეშენებელური, როგორც ლამაზ სურათებში. სამაგიეროდ უცხო ქვეყანა პენსიონერებს ცხოვრების თავიდან შეგრძნების საშუალებას აძლევს. ფილმი ოქროს გლობუსზე საუკეთესო მიუზიკლისა ან კომედიისთვის იყო ნომინირებული.
რედი
ყველა გადის პენსიაზე, ცენტრალური სადაზვერვო სააგენტო აგენტებიც კი. ფრენკ მოუზესიც, რომელსაც ბრიუს უილისი განასახიერებს, ადრე მთავრობებს ამხობდა, ახლა ქალაქგარეთ ცხოვრობს, წმინდავს თოვლს სახლის წინს და საშობაო მორთულობებს ყიდულობს. მაგრამ, როდესაც დაქირავებული მკვლელები გამოჩნდებიან მის სახლთან, აშკარა ხდება, რომ კიდევ არსებობს დაუსრულებელი საქმეები. ფილმის შემქმნელები დაბერებას იუმორით აღიქვამენ. “რედი” ოქროს გლობუსზე ნომინაციაში საუკეთესო მიუზიკლისა ან კომედიისთვის იყო წარდგენილი.
გრან ტორინო
პენსიონერ უოლტ კოვალსკის ისტორია, რომელსაც კლინტ ისტვუდი ასრულებს, გვაჩვენებს, თუ როგორ იცვლება სამყარო. ადრე ის კორეის ომში იბრძოდა და ქალაქგარეთ ასეთივე კეთილშობილ ამერიკელების გარემოცვაში ცხოვრობდა. ახლა მის რაიონში მიგრანტები დასახლდნენ და უკვე თვითონ გამოიყურება უცხოდ. მისი ცოლის გარდაცვალების შემდეგ მის ცხოვრებაში მხოლოდ ძაღლი, მანქანა, იარაღი, რასიზმის და სიძულვილის საკმაოდ დიდი პორცია დარჩა. მაგრამ მოულოდნელად უოლტი მიგრანტი ოჯახის მფარველი ხდება და იცავს ბანდისგან, რომელიც მათ ემუქრება. ფილმი ოქროს გლობუსზე საუკეთესო ორიგინალური სიმღერისთვის იყო ნომინირებული.
მარტივი სირთულეები
ჰოლივუდში საკმაოდ ხშირად იღებენ ფილმებს თემაზე “სიყვარული ნებისმიერ ასაკს იმორჩილებს”. მით უმეტეს, რომ ბევრი მსახიობი ასაკშიც ახერხებს იყოს მომხიბლველი. ნენსი მეიერსის ფილმში ჩვენ ვხედავთ წყვილს, რომელიც 20 წლიანი ქორწინების შემდეგ დაინგრა. ალეკ ბოლდუინის გმირმა მოასწრო ახალგაზრდა გოგონაზე დაქორწინება, მაგრამ მოულოდნელად ხვდება, რომ ლტოლვა ყოფილი ცოლისადმი არ გამქრალა. ფილმი ოქროს გლობუსზე სამ კატეგორიაში იყო ნომინირებული.
სტაჟიორი
ნენსი მეიერსის კიდევ ერთი ფილმი, მაგრამ ამჯერად ყურადღების ცენტრში სამსახურია და არა სასიყვარულო თავგადასავლები. 70 წლის ასაკში ქვრივ ბენ უიტაკერს, რომელსაც რობერტ დე ნირო ასრულებს, სიცოცხლის ინტერესი ეკარგება, ამიტომ სიამოვნებით იღებს მონაწილებას პენსიონერი სტაჟიორების პროგრამაში. ურთიერთობა უფროსთან ჯულს ოსტინთან, რომელსაც ენ ჰეთევეი განასახიერებს, თავდაპირველად დაძაბულია, მაგრამ დროთა განმავლობაში ის ხვდება, თუ რამდენად ფასეულები არიან ასაკიანი ადამიანები. თავად ბენიც ბევრ ახალის იგებს ამ სამსახურში და Facebook ექაუნთსაც კი ქმნის…
გაზაფხულის იმედები
დევიდ ფრანკელის ფილმის მთავარი გმირები 30 წელზე მეტია ცოლ-ქმარი არიან და ოჯახური ურთიერთობების პრობლემების ექიმის დახამრებით, რომელსაც სტივ კარელი ასრულებს, ჩამქრალი ურთიერთობის გაღვივებას ცდილობენ. მთავარ როლებში ტომი ლი ჯონსი და მერილ სტრიპი ასრულებენ, რომელიც ოქროს გლობუსზე საუკეთესო მსახიობი ქალისთვის მიუზიკლსა ან კომედიაში იყო ნომინირებული.
მედისონის ოლქის ხიდები
კლინტ ისტვუდის კიდევ ერთი ფილმი. სამაგალითო რომანტიკული მელოდრამა ამავე სახელწოდების ბესტსელერის მიხედვით ორ უკვე არც ისე ახალგაზრდა ადამიანზეა. 45 წლის იტალიელი ფრანჩესკა, რომელსაც მერილ სტრიპი თამაშობს, აიოვას შტატში მოსაწყენ ქმართან და ორ შვილთან ერთად ცხოვრობს. მაგრამ ერთ დღესაც ის ფოტოგრაფს გაიცნობს, რომელსაც თავად კლინტ ისტვუდი ასრულებს. მერილ სტრიპი ამ როლისთვის ოსკარზე საუკეთესო მსახიობი ქალისთვის იყო ნომინირებული.
კიდევ ერთი წელი
ტომი და ჯერი – მოხუცების მომხიბვლელი და მხიარული ოჯახი. მიუხედავად ხანგრძლივი ქორწინებისა, მათი ურთიერთობა დღემდე ისე გამოიყურება, თითქოს სულ ეხლახანს დაბრუნდნენ თაფლობის თვიდან. მათი ბედნიერება განსაკუთრებით შესამჩნევია ორი სხვა მარტოსული ადამიანის ფონზე. ფილმის მთავარ გმირებს ჯიმ ბროდბენტი და რუტ შინი ასრულებენ. ფილმი ოსკარზე საუკეთესო ორიგინალური სცენარისთვის იყო ნომინირებული.
შორს მისგან
ჯული კრისტის და გორდონ პინსეტის პერსონაჟები, ფიონა და გრანტი, უკვე 44 წელია ერთად არიან. ისინი სეირნობით და საყვარელი წიგნების კითხვით გაერთობოდნენ ცხოვრების ბოლომდე, რომ არა ერთი “მაგრამ”. ფიონას საშიში დაავადების სიმპტომი აღენიშნება. პირველად ამდენი ხნის მანძილზე ცოლ-ქმარს ხანგრძლივი დროით დაშორება უწევთ, რადგან ფიონამ მკურნალობის კურსი უნდა ჩაიტაროს. ერთი თვის შემდეგ, როდესაც მას გრანტი მოინახულებს, ქმარი ხვდება, რომ ცოლმა არა თუ ვერ იცნო, არამედ მისი გული უკვე სხვა მამაკაცს ეკუთვნის. ფილმმა ოსკარის ორი ნომინაცია დაიმსახურა. ჯული კრისტიმ კი ოქროს გლობუსი საუკეთესო მსახიობი ქალისთვის დრამაში მიიღო.
სიყვარული წესების გარეშე
ფილმში ორი თაობა ხვდება ერთმანეთს: ერთი განქორწინებული მწერალი ერიკაა, რომელსაც დაიან კიტონი ასრულებს, მეორე კი მისი ქალიშვილი მოულოდნელად გამოჩენილ ასაკიან თაყვანისცემელ ჰარისთან ერტად, რომელსაც ჯეკ ნიკოლსონი ასრულებს. როგორც აღმოჩნდა, 70 წლის ასაკშიც კი ყველა ვერ აღწევს ფსიქოლოგიურ მომწიფებას. უთანხმოებების და ჩხუბის მიუხედავად ორივე ხვდება, რომ ისინი ერთმანეთისთვის არიან შექმნილები და ასაკი ნამდვილად ვერ შეუშლით ხელს. დაიან კიტონ ამ ფილმისთვის ოსკარზე საუკეთესო მსახიობი ქალისთვის იყო ნომინირებული.
