ახალი ინფორმაცია „Justice League: Snyder Cut“-ის შესახებ და ყველაფერი რაც დღეისათვის ცნობილია

როგორც თქვენთვის ცნობილია, კინოსაზოგადოებამ და #ReleaseSnyderCut (გამოუშვით სნაიდერის ვერსია) მოძრაობამ რამოდენიმე თვის წინ გაიმარჯვა და შედეგად მივიღეთ, რომ მომავალ წელს „Justice League“-ის ზაკ სნაიდერის ვერსიას „HBOMAX“ გააშუქებს.

ჩვენ პორტალზე უკვე არაერთი სტატია მიეძღვნა ხსენებულ საკითხს, სადაც ჯერ, გამარჯვება აღვნიშნეთ, შემდგომ კი ფილმის ირგვლივ შევაჯამეთ ყველა ის ხელმისაწვდომი ინფორმაცია, რომელიც მნიშვნელოვანი იქნებოდა მკითხველისათვის. თავდაპირველად ყველასაგან მოულოდნელად ვიხილეთ 30 წამიანი თიზერი და ბერძნულ ფრესკაზე დახატული „Darkseid“-ი, შემდგომ „Halleluiah“-ს თანხლებით დავტკბით სხვადასხვა თრეილერებით, მათ შორის შავ-თეთრითაც, ვნახეთ Steppenwolf“-სა და „Darkseid“-ის დეტალური ფოტოსურათები და ამასთან ერთად სუპის შავი კოსტიუმის მოწმენიც გავხდით.

ახლა კი ბლოკბასტერის შესახებ დამატებითი ინფორმაცია ვრცელდება, რომელიც ძალიან გაახარებს ნებისმიერ DC-ის ფანს: როგორც თქვენთვის ცნობილია, „Warner.Bros“-მა განაცხადა, რომ მისი ყველა ფილმის პრემიერა ერთა და იმავე დღეს კინოთეატრებსა და „HBOMAX“-ზე ერთობლივად შედგება, აქვე როდესაც სტუდიას სნაიდერის „Justice League“-ის ჩვენების თაობაზე ჰკითხეს, მათ უპასუხეს, რომ ზუსტი პასუხი ამ შეკითხვაზე არ ჰქონდათ, თუმცა ვარაუდობდნენ, რომ პროექტი სამ ან/და ოთხ ნაწილად გაიყოფოდა და მინისერიების სტილში გაშუქდებოდა. ახლა კი თავად რეჟისორისაგან გავიგეთ, რომ ბლოკბასტერი უწყვეტი 4 საათიანი სიამოვნება იქნება, რაც იმას ნიშნავს, რომ ორიგინალი ფილმის თეატრალურ ვერსიასთან შედარებით 2 საათით მეტ ხანს გაგრძელდება. „Warner.Bros“-მა ფილმის ახალი ვერსიის დასრულებისათვის უკვე გამოყვეს 70 მილიონი აშშ დოლარი, რაც დაგეგმილზე 40 მილიონით მეტია. სანიდერის თქმით ეს თანხა ძირითადად ახალი სცენების გადაღებას მოხმარდა და იგი გვპირდება, რომ რადიკალურად სხვა ფილმს ვიხილავთ, მათ შორის იმას, რომ სურათის თეატრალური ჩვენების რეიტინგ „R“ იქნება.

Zack Snyder confirms #ZackSnydersJusticeLeague will be a 4 hour movie, not a miniseries. pic.twitter.com/Tpk6M9EByb
— Reviews by Brooks (@brookstweetz) January 17, 2021

ასევე, აუცილეგბლად აღსანიშნავია, რომ 4 საათიან ქრონომეტრაჟში ძველი სცენების მხოლდოდ 25% იქნება გამოყენებული, დანარჩენი ყველაფერი ახალი იქნება, მათ შორის, ისეთი მნიშვნელოვანი ცვლილებები როგორიცაა, Darkseid და Steppenwolf, ჰარი ლენიქსის „Martian Manhunter“ და ჯო მანგანელოს „Deathstroke“. ასევე რეი ფიშერის Cyborg-სა და ჯარე ლეტოს Joker-ს ვიხილავთ სრულიად ახალ სცენებში.

P.S იმის გათვალისწინებით, რომ სნაიდერის მიერ გადაღებულია „Man Of Steel“, „Batman v. Superman: Dawn of Justice“ და თავდაპირველად „Justice League“-ის რეჟისორიც თავად იყო, იმედს ვიტოვებთ, რომ ბლოკბასტერის ახალი ვერსია წინაზე გაცილებით უკეთესი საყურებელი იქნება. აქვე, შეგახსენებთ, რომ ზაკ სნაიდერის „Justice League“-ის დასრულებისათვის ჰონორარს არ აიღებს, რადგან გეგმავს რეჟისორისათვის განკუთვნილი თანხაც კი, სურათის ე.წ პროდაქშენს მოახმაროს. გამოდის, რომ რეჟისორი თანხის გამო არ ქმნის ხსენებულ პროექტს და ენთუზიაზმით აღსავსე გეგმავს მსოფლიოს დაუმტკიცოს, რომ მისი ხედვის „Justice League“ უკანასკნელი ათწლეულის ერთ-ერთი ყველაზე ამბიციური და მნიშვნელოვანი პროექტია.

პრემიერა 2021-ის მარტის თვეშია დაგეგმილი!

სხვა საინტერესო ინფორმაცია

Junky XL-ის ორიგინალური საუნდტრეკი უცვლელი დარჩება, თუმცა ზოგიერთ სცენაში სხვა ტიპის კომპოზიეციები იქნება გამოყენებული, ამასთან ერთად ვარაუდობენ, რომ გარკვეულ სცენებში ორკესტრის მიერ შესრულებულ კომპოზიციებს მოვისმენთ, რაც თავისთავად მეტად „Heroic“ (გმირული) საყურებელი და მოსასმენი იქნება. ასევე, სნაიდერის ვერსიაში აუცილებლად იქნება „Darkseid“-ის თემატიკის საუნდრეკი.

აუცილებლად შეიცვლება ფერთა ფალიტრა და ე.წ. „Acid Colors“-ის ნაცვლად, მივიღებთ გაცილებით მუქი და ბნელი ტონალობის ფერებს.

სნაიდერის განცხადებით, ფილმის ფორმატი (ნახატის სიმაღლე და სიგანე) 1:4:3 იქნება (Imax-ის ფორმატი), როგორც თავდაპირველად იყო ჩაფიქრებული, ნაცვლად გამოყენებული 1:85:1-ისა (შტატებში გამოყენებული სტანდარტული ფორმატი). თვალსაჩინოებისათვის იხილეთ მაგალითი:

დადასტურებულად ვიცით, რომ ვიხილავთ Superman-ის შავ კოსტიუმს, რომელსაც იგი გაცოცხლების შემდგომ (როდესაც მას ბეტმენი, აკვამენი, ფლეში, კიბორგი და ქალი საოცრება გააცოცხლებენ) მოირგებს. აქვე გვინდა მოკლე ვიდეო წარმოგიდგინოთ, სადაც შეგვიძლია ვიხილოთ ზემოხსენებული ინფორმაციის მცირე თიზერი, როდესაც სუპი ალფრედს ღამურის გამოქვაბულში სტუმრობს.