წლევანდელ კანის საერთაშორისო კინოფესტივალზე, სექციაში Director’s Fortnight წარმოშობით ქართველი რეჟისორის, ლევან აკინის სრულმეტრაჟიანი მხატვრული ფილმის And Then We Danced მსოფლიო პრემიერა შედგა.
ფილმი ახალგაზრდა მოცეკვავის, მერაბის, რომელსაც მსახიობი ლევან გელბახიანი თამაშობს, ცხოვრების შესახებ გვიყვება, რომელიც რადიკალურად იცვლება მას შემდეგ, რაც მას ამბიციური მეტოქე შეუყვარდება.
ფრანგულმა გამოცემამ ecrannoir.fr ლევან გელბახიანი კანის ფესტივალის ერთ-ერთ აღმოჩენად დაასახელა კიდევ 11 მსახიობთან ერთად.
“ნიჭიერი, ის თავის როლს დახვეწილად ასრულებს და ოსტატურად გადავყავართ ამ ქართული გეი რომანის სამყაროში….” აღნიშნა რედაქციამ.
აქვე შეგახსენებთ, რომ ლევან გელბახიანი გამოცემა W-მაც, კანის კინოფესტივალის აღმოჩენად დაასახელა.