ამ მსახიობებზე ვერ ვიტყვით რომ ცნობადები არ არიან, უმეტესობას სახელითაც ვიცნობთ, მაგრამ Marvel-ის კინოეპოპეაში, რომელიც 23 ბლოკბასტერს მოიცავს, არ არის გამორიცხული ზოგიერთი გმირი საერთოდაც დაგავიწყდეთ. ეს სტატია სწორედ შეხსენებას ემსახურება.
სტენლი ტუჩი
მეორეხარისხოვანი როლების ბრწყინვალე შემსრულებელმა, სამი ემის მფლობელმა სტენლი ტუჩიმ პირველ შურისმაძიებელში ექიმი აბრაამ ერსკინი ითამაშა. მიუხედავად მცირე საეკრანო დროისა, სწორედ მისი პერსონაჟის დამსახურებაა რომ შურისმაძიებლების გუნდში ისეთი ძლიერი მოთამაშე ჰყავთ, როგორიც კაპიტანი ამერიკაა. ექსპერიმენტს, რომელმაც სტივ როჯერს ზებუნებრივი ძალები მოუტანა, სწორედ ექიმი ერსკინის ხელმძღვანელობით ჩატარდა.
ჯასტინ ტერუ
მიტოვებულების ვარსკვლავს უმცირესი როლების თამაში საერთოდ არ ეთაკილება. მაგალითად უკანასკნელ ჯედაიში მისი ხილვა კაზინოს სცენაშია შესაძლებელი, Marvel-ის კინოსამყაროში კი ტერუმ რკინის კაცის მეორე ნაწილში პოლიციელის როლი შეასრულა, რომელსაც პეპერის დაცვა აქვს დავალებული. მის გამოჩენას მარტივი ახსნა აქვს, მსახიობი პროექტის სცენარის ავტორი გახლდათ და საკუთარი თავისთვის კამეო გაიმეტა.
მიშელ იეო
მიშელ იეოს ჩასაფრებული ვეფხვი და დამალული დრაკონიდან ვიცნობთ. გალაქტიკის მცველების სიქველში მალაიზიელმა მსახიობმა ერთ-ერთი რეივეჯერის, ალეტ ოგორდის როლი შეასრულა. კომიქსის მიხედვით ოგორდი გალაქტიკის ერთ-ერთი ყველაზე საშიში კრიმინალია, მისი ქმრის სტაკარ ოგორდის როლი სილვესტერ სტალონემ შეასრულა.
კეიტ მარა
არ ვგულისხმობთ ფანტასტიკურ ოთხეულს, რომელიც კინოგაქირავებაში სამარცხვინოდ ჩავარდა. კეიტ მარამ კანონის მცველის როლი მეორე რკინის კაცში შეასრულა, იგი ტონი სტარკს ატყობინებს რომ შეიარაღებული ძალების კომიტეტის წინაშე უნდა წარსდგეს.
ზაკარი ლევი
ზაკარი ლევი მარველის კონკურენტ DC-ის ერთ-ერთი წამყვანი მსახიობი მას შემდეგ გახდა, რაც ბლოკბასტერ შაზამში მთავარი როლი შეასრულა, თუმცა კომიქსების ეკრანიზაციაში ის პირველად Marvel-ის პროექტში გამოჩნდა. ლივაი ერთ-ერთ ასგარდელს, თორის უახლოეს მეგობარს ფანდრალს ანსახიერებს.
ტომი ლი ჯონსი და ნატალი დორმერი
ტომი ლი ჯონსის რეგალიებისა და როლების შეხსენება ნამდვილად არ არის საჭირო. მას ყველა იცნობს, თუმცა იქიდან გამომდინარე რომ პირველი შურისმაძიებელი ყველაზე ძველი ფილმია MCU-ში, ამიტომ არ გამოვრიცხავთ რომ ჯონსის როლი უბრალოდ დაგავიწყდათ. მსახიობი მეორე მსოფლიო ომის ეპოქის პოლკოვნიკს, ფილიპსს თამაშობს. ქვემოთ მოცემულ კადრში მეორე ადამიანიც ხომ არ გეცნოთ? დიახ, ეს მარჯერი ტაირელია სამეფო კარის თამაშებიდან, უფრო სწორედ მისი როლის შემსრლებელი, ინგლისელი მსახიობი ნატალი დორმერი.
