ქვემოთ ჩამოთვლილი ყველა ფილმი ძალიან საინტერესო ისტორიებს მოგვითხრობს და ახერხებს, მაყურებელი ეკრანზე მიაჯაჭვოს. თუმცა, ყველაფერი ასევე კარგად არ ხდება ფინალურ სცენებში. ესაა 10 შესანიშნავი ფილმი საშინელი დასასრულით:
საიდუმლო კარს უკან (1948)
ძმის სიკვდილის შემდეგ, ახალგაზრდა ქალი მეგობართან ერთად სამოგზაუროდ წასვლას გადაწყვეტს. მოგზაურობისას ის გაიცნობს მისტიკურ მამაკაცს, რომელიც უყვარდება და ცოლად მიჰყვება. თუმცა, კაცის წარსული და უჩვეულო ჰობები ქალის სიცოცხლეს საფრთხეს უქმნის… სამწუხაროდ, ბოლო ხუთი წუთი სრულიად შეუსაბამოა ფილმის ატმოსფეროსთან.
გახლეჩილი (2016)
სამ თინეიჯერ გოგონას იტაცებს ახალგაზრდა კაცი, რომელსაც მრავლობითი პიროვნების აშლილობა აქვს. გოგონები ცდილობენ, როგორმე თავი გადაირჩინონ და გაიქცნენ. ისტორიას, რომელიც ფილმში ვითარდება, უფრო ძლიერი ფინალი უნდა ჰქონოდა.
სისხლიანი სამკალი (2003)
ახალგაზრდა ქალი სტუმრად ჩადის მეგობართან საფრანგეთის პატარა ქალაქში. ნამდვილი კოშმარი მას შემდეგ იწყება, რაც მეგობრის სახლში გამოჩნდება სერიული მკვლელი, რომელიც მთელი ოჯახის განადგურებას ცდილობს. ახლა მთავარი გმირის მიზანი საკუთარი თავისა და მეგობრის გადარჩენაა… მთელი ფილმი სავსეა საშიში სცენებითა და შესანიშნავი ტვისტებით, რაც საბოლოოდ საშინლად პათეტიკურად სრულდება.
ეშმაკით შეპყრობილი (2012)
ქალი ეგზორციზმის სეანსებს ესწრება, რათა გაიგოს, რა მოუვიდა დედამისს, რომელმაც ეგზორციზმის სეანსებისას, სავარაუდოდ, სამი ადამიანი მოკლა… ფინალის პრობლემა ისაა, რომ ფილმს ფინალი არ აქვს.
განსხვავებული აზრი (2002)
მომავლის სამყარო, სადაც ტექნოლიგიის მეშვეობით შესაძლებელია, დანაშაული მის ჩადენამდე გამოვლინდეს და დამნაშავე დაიჭირონ. პოლიციის უფროსი აღმოაჩენს, რომ მორიგი დამნაშავე თავადაა…
ჩემს დას (2001)
ორი, ერთმანეთისგან სრულიად განსხვავებული დის ამბავი. ერთ-ერთი ძალიან ლამაზია, მეორე კი ჭარბწონიანი და კომპლექსებით სავსე. ერთი ცხოვრობს, მეორე კი თავისი დის ცხოვრების დამკვირვებელია. ფილმის ფინალი სისხლიანი და საშინლად ტრაგიკულია და ცოტა არ იყოს, აცდენილია მანამდე განვითარებულ ისტორიას.
ფოლადის კაცი (2013)
ფოლადის კაცი ცნობილი კომიქსის ნამდვილად საინტერესო ადაპტაციაა. თუმცა, ისტორიის განვითარების გათვალისწინებით, ფინალი, ალბათ, სხვანაირი უნდა ყოფილიყო. ნებისმიერ შემთხვევაში, ფილმი მაინც ახერხებს, გაართოს და სიამოვნება მიანიჭოს მაყურებელს.
ხერხი 5 (2008)
ფილმის თაგლაინია: შენ ვერ დაიჯერებ, როგორ მთავრდება ის. სრულიად ვეთანხმებით – ასეთ დასასრულს ნამდვილად ვერ წარმოვიდგენდით.
ველურები (2012)
ორი ახალგაზრდა კაცის ისტორია. მათ მარიხუანას ბიზნესი აქვთ და ერთი ქალი უყვართ. ფილმის ფინალური სცენები შეუსაბამოდ პათეტიკურია და გარდა ამისა, ყველაფერი, რასაც 10 წუთის განმავლობაში ვუყურებთ, მოულოდნელად, სრულიად იგნორირებული ხდება.
მეცხრე კარიბჭე (1999)
იშვიათი წიგნების კოლექციონერი ნამდვილ კოშმარში აღმოჩნდება, როდესაც მას სატანური ტექსტების დაკარგული გამოცემის საპოვნელად დაიქირავებენ. რომან პოლანსკი ფილმში უნიკალურ, მისტიკურ ატმოსფეროს ქმნის, მაგრამ არარეალურ დასასრულს გვთავაზობს.
